3 depýtattyń ókilettiligi toqtatyldy
16:53, 14 Maýsym 2022
NUR-SULTAN. QazAqparat – Ortalyq saılaý komıssııasynyń otyrysynda Senat depýtaty Beıbit Isabaevtyń jáne Parlamenti Májilisiniń depýtattary Berik Ábdiǵalıuly men Saıasat Nurbektiń ókilettilikteri toqtatyldy, dep habarlaıdy QazAqparat.
OSQ tóraǵasy Nurlan Ábdirovtiń qatysýymen ótken jıynda Senat depýtaty Beıbit Isabaevtyń jáne Májilis depýtattary Berik Ábdiǵalıuly men Saıasat Nurbektiń ókilettilikterin toqatý týraly qaýlylar qabyldandy.
Sonymen qatar Berik Ábdiǵalıuly men Saıasat Nurbektiń QR Parlamenti Májilisiniń depýtaty ókilettigin merziminen buryn toqtatý týraly usynym Májiliske engizildi.
Eske salsaq, 11 maýsymda Berik Ábdiǵalıuly Ulytaý oblysynyń ákimi laýazymyna taǵaıyndaldy. Al Saıasat Nurbek QR Ǵylym jáne joǵary bilim mınıstri laýazymyna taǵaıyndaldy. Beıbit Isabaev Jetisý oblysynyń ákimi boldy.