3 adam qaza tapty: Prokýratýra altyndy zańsyz izdeýshilerge úndeý jasady

<p>Aqmola oblysynyń aýmaǵyndaǵy kenishterge altyndy zańsyz izdeýge túsken 4,2 myń adam jaýapkershilikke tartyldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Stepnogorsk óńiriniń aýmaǵynda «Altynalmas» kompanııalar tobyna jatatyn altyn óndiretin kenishter ornalasqany belgili.

Zańda kózdelgen jaýapkershilikke qaramastan, Stepnogorsk aımaǵynyń aýmaǵynda jerasty shahtalaryna zańsyz kirýdiń kóptegen faktileri baıqalady.

Sońǵy 5 jylda shahtalarǵa zańsyz kirgeni úshin Ákimshilik quqyqbuzýshylyq týraly kodekstiń 506-baby boıynsha 4 295 tulǵa ákimshilik jaýapkershilikke tartyldy, onyń ishinde qaıtalap – 480 adam, 3 retten artyq – 100-den astam tulǵa tartyldy.

Sonymen qatar 2023 jylda shahtalarda altyndy zańsyz izdegen 3 adam qaza tapty», - delingen Aqmola oblysy prokýratýrasynyń málimdemesinde.

Málim etilgendeı, sońǵy eki jylda kúzetiletin obektige zańsyz kirýge qatysty sotqa deıingi 8 tergep-tekserý sharasy bastalǵan.

Prokýratýra eske salyp ótkendeı, qaýipti óndiristik obektige zańsyz kirý Ákimshilik quqyqbuzýshylyq týraly kodekstiń 506-baby boıynsha ákimshilik, sondaı-aq QR Qylmystyq kodekstiń 269-1-baby boıynsha qylmystyq jaýapkershilikke ákeledi. Atalǵan baptyń sanktsııasy jeti jyldan on jylǵa deıingi merzimge bas bostandyǵynan aıyrýdy kózdeıdi.