3-4 shilde kúnderi astanalyqtar qashyqtan jumys isteıdi

<p>ASTANA. KAZINFORM — ShYU sammıti kezinde Astanada qashyqtan jumys formaty engiziledi. Bul jaıynda qala ákimdiginen habarlandy. </p>

2024 jyldyń 3-4 shildesinde Astanada Shanhaı Yntymaqtastyq Uıymynyń sammıti ótedi.

Qoǵamdyq tártip pen qaýipsizdikti qamtamasyz etý, sondaı-aq sammıt ótkizý kezeńinde quqyq buzýshylyqtardyń aldyn alý jáne jolyn kesý maqsatynda polıtsııanyń jeke quramy qyzmet ótkerýdiń kúsheıtilgen rejımine aýystyryldy.

Azamattarǵa yńǵaıly bolýy úshin, sonyń ishinde jolda keptelis týǵyzbas úshin memlekettik mekemeler men kvazımemlekettik sektor qyzmetkerleriniń 70 paıyzy 2-4 shilde aralyǵynda qashyqtan jumys formatyna aýystyrylady.

3-4 shildede mektepke deıingi mekemeler de jumys istemeıdi.

Bul — iri halyqaralyq is-sharalardy ótkizý kezinde kúsheıtilgen qaýipsizdik sharalary qabyldanatyn jáne azamattarǵa yńǵaıly bolý úshin ishinara qashyqtan jumys engiziletin álemdik tájirıbe.