3,2 mln tonna kartop jınaldy
«Maıly daqyldardy jınaý 1,4 mln gektar alqapta nemese egin jınaý alańynyń 40 paıyzynda júrgizildi. Maıly daqyldardyń jalpy jınalymy gektaryna 7,3 tsentner ortasha túsimdilikpen 1 mln tonnany quraıdy. Kartop 164,5 myń gektar alqaptan jınaldy nemese josparlanǵan alańnyń - 83,3 paıyzy. Jalpy jınaý gektaryna 198,2 tsentner túsimdilikpen 3,2 mln tonnany qurady», - dedi Erbol Qarashókeev.
Onyń dereginshe, kókónis daqyldary 149,6 myń gektar alqaptan jınaldy nemese josparlanǵan alańnyń 87,7 paıyzyn qurap otyr. Gektaryna 280,5 tsentner túsimdilikpen 4,2 mln tonna ónim alyndy.
«Áleýmettik mańyzy bar daqyldardyń boljamdy jalpy jınalymy respýblıkanyń ishki qajettiligin qamtamasyz etýge múmkindik beredi. Osy jyldyń qolaıly bolý eginniń sapasyna oń áser etti», - dedi ol.