29 tamyz kúni elordada ótetin mańyzdy is-sharalar ańdatpasy
9.40-ta Qorǵaljyn tasjoly, 16/1 mekenjaıyndaǵy Keńes Odaǵynyń Batyry, Halyq qaharmany, armııa generaly Saǵadat Nurmaǵambetov atyndaǵy áskerı kolledjge túsken jastardyń áskerı anttaryn qabyldaý, S. Nurmaǵambetov eskertkishine gúl shoqtaryn qoıý rásimi ótedi.
10.00-de Úkimet úıinde kezekti Úkimet otyrysy ótedi. Kún tártibinde 2024-2028 jyldarǵa arnalǵan áleýmettik-ekonomıkalyq damý boljamy men «2024-2026 jyldarǵa arnalǵan respýblıkalyq bıýdjet týraly», «Ulttyq qordan 2024-2026 jyldarǵa arnalǵan kepildendirilgen transfert týraly» zańdarynyń jobalary jáne geologııa salasyn damytý máseleleri qaralady.
10.00-de Astana Hub halyqaralyq tehnoparkinde Defence Tech Center ashylý rásimi ótedi jáne Qorǵanys mınıstrligi «Qorǵanys salasyndaǵy úzdik ınnovatsııalyq tehnologııa», «Qaýipsizdik pen qorǵanys úshin úzdik sheshim», «Qorǵanystaǵy revolıýtsııalyq sheshim» nomınatsııalary boıynsha Defence Tech Battle baıqaýynyń qorytyndysyn jarııalaıdy.
11.00-de Astana qalasynyń Kommýnıkatsııalar qyzmetinde «2023-2024 oqý jylynda pedagogterdi ádistemelik súıemeldeý jumystary týraly» onlaın brıfıng ótedi.
15.00-de Astana qalasy máslıhatynyń segizinshi saılanymynyń kezekten tys sessııasy shaqyrylady.
15.00-de Prezıdent janyndaǵy Ortalyq kommýnıkatsııalar qyzmetinde «Ómir súrý sapasyn jaqsartý, memleket, bıznes jáne azamattar arasynda jańa áleýmettik kelisimshartty qalyptastyrý» atty baspasóz máslıhaty ótedi. Spıkerler: Eńbek jáne halyqty áleýmettik qorǵaý vıtse-mınıstri Saǵyndyqova Nazgúl Erikqyzy; Prezıdent janyndaǵy Halyqtyń áleýmettik jaǵynan osal sanattarynyń quqyqtary jónindegi ýákil Jaqypova Svetlana Qabykenqyzy; BUU Damý baǵdarlamasynyń Qazaqstandaǵy Turaqty ókili Katarjına Vavernıa; MÁSQ Bas dırektory Kemel Nursulý Myrzageldiqyzy; EHÁQM Jumyspen qamtý departamentiniń dırektory Nııazov Asqar Nurlanuly; Eńbek resýrstaryn damytý ortalyǵynyń prezıdenti Arǵyndyqov Dáýlet Rashıduly; EHÁQM Kóshi-qon komıteti tóraǵasynyń orynbasary Abýlhatın Erbolat Mahambetuly. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
16.00-de Kongress ortalyqta Mádenıet jáne sport mınıstrliginiń uıymdastyrýymen QR Konstıtýtsııasy kúnine arnalǵan «Ata Zań – Táýelsizdik tiregi» atty merekelik kontsert ótedi.
18.00 Astana qalasynyń Arbat alańynda Halyqaralyq ıadrolyq synaqtarǵa qarsy kúres kúnine jáne Semeı polıgonynyń jabylý kúnine oraı Qazaqstandaǵy AQSh Mıssııasy men Astanadaǵy Amerıka buryshynyń qoldaýymen mádenı is-sharalar ótedi.