29 naýryz. Tulǵalar týǵan kún
ESІMDER
59 jyl buryn (1965) Qazaqstan Respýblıkasynyń Oqý-aǵartý birinshi vıtse-mınıstri Natalıa Vasılevna JUMADІLDAEVA dúnıege keldi.
Qaraǵandy oblysynyń Temirtaý qalasynda dúnıege kelgen.
1987 jyly Mordova AKSR Saransk qalasyndaǵy N.P.Ogarev atyndaǵy Mordova memlekettik ýnıversıtetin «Frantsýz tili jáne ádebıetiniń múǵalimi» mamandyǵy boıynsha bitirgen.
Eńbek jolyn 1987 jyly bastaýysh synyp muǵalimi bolyp bastaǵan. 2004-2013 jyldary Qyzylorda qalasyndaǵy №112 jáne J.Qızatov atyndaǵy №23 OM dırektory boldy. 2013-2015 jyldary Qyzylorda qalasy Bilim bólimi bastyǵynyń orynbasary qyzmetin atqardy. 2015-2016 jyldary Qyzylorda qalasy Oqýshylar men jasóspirimder úıiniń dırektory boldy. 2016-2021 jyldary QR Parlamenti Májilisiniń VI shaqyrylym depýtaty, Halyqaralyq ister, qorǵanys jáne qaýipsizdik komıtetiniń múshesi qyzmetinde boldy. 2022 jyly Pedagogıkalyq sheberlik ortalyǵy dırektorynyń bilim berý baǵdarlamalary jáne halyqaralyq yntymaqtastyq jónindegi orynbasary, 2022-2023 jyldary QR Oqý-aǵartý mınıstrligi Mektepke deıingi bilim departamenti dırektorynyń m.a., dırektory laýazymyn atqardy.
Qazirgi qyzmetin 2023 jylǵy qyrkúıekten bastap atqaryp keledi.
53 jyl buryn (1971) keskindemeshi, QR Kórkemsýret akademııasynyń múshesi, ıÝNESKO janyndaǵy synshylar men ónertanýshylar halyqaralyq qaýymdastyǵynyń múshesi Botagóz Amandosqyzy AQANAEVA dúnıege keldi.
Almaty oblysynda týǵan. 1990 jyly N.V.Gogol atyndaǵy Almaty kórkemsýret ýchılışesiniń teatr jáne dekoratsııa bólimin teatr dekoratory mamandyǵy boıynsha bitirgen, 1997-1999 jyldary Fabrıs de Vılnevtiń keskindeme stýdııasynda bilim alǵan.
«Toqyma, keramıkany engize otyryp releftik keskindeme jasaýǵa» patenti bar (1997). Beıneleý óneriniń túrleri – keskindeme, grafıka, músin, dızaın. 1990-1993 jyldary Abaı atyndaǵy Memlekettik akademııalyq opera jáne balet teatrynyń dekoratory boldy. Otandyq jáne halyqaralyq «Jiger» (Almaty qalasy, 1991), «Rojdestvenskıe skazkı» (Máskeý qalasy, 1993), «7 galereıa» (Máskeý qalasy, 1995), «ART-MIF» (Máskeý qalasy, 1993), «QR sýretshileri» (1998), «Botagóz Monrealda» (Monreal qalasy, 1999), «Uly kóshpendilerdiń alaýlary» (Astana qalasy, 2001), «Realızm shekteri» (2004), «Adamdar men qonystar» (BUU jelisi boıynsha, Almaty qalasy, 1994) kórmelerine qatysqan. Eńbekteri «Shyǵys galereıasynda» (Máskeý qalasy), «Ulasý Artta» (Almaty qalasy), Tretıakov galereıasynda (Máskeý qalasy), «NordTa» (Monreal qalasy, Kanada), «OıÝ-da» (Almaty qalasy), «Umaı Táńiride» (Almaty qalasy), «Shejirede» (Astana qalasy), Á.Qasteev atyndaǵy memlekettik óner murajaıynda qoıylǵan.
Shyǵarmalarynyń basym kópshiligi ártúrli tehnıkalar men materıaldardy paıdalaný arqyly releftik keskindeme tehnıkasynda oryndalǵan. Eńbekteri Tretıakov galereıasy (Máskeý qalasy), Á. Qasteev atyndaǵy memlekettik óner murajaıy (Almaty qalasy), Vıllafames qazirgi óner murajaıy (Ispanııa), Monreal qalasynyń mýnıtsıpaldyq murajaıy (Kanada), Kanada general-gýbernatorynyń murajaıy (2000) jınaqtarynda, sondaı-aq Qazaqstan, Reseı, AQSh, Kanada, Frantsııa, Ispanııa, Italııa, Izraıl, Germanııa, Túrkııa, Mysyr jáne basqa da elderdiń jekemenshik kollektsııalarynda saqtalǵan.
QR Sýretshiler odaǵy jastar birlestiginiń múshesi. ıÝNESKO janyndaǵy Halyqaralyq synshylar jáne ónertanýshylar qaýymdastyǵynyń (AІSA) tolyq múshesi (1996). BUU jelisi boıynsha arnaýly syılyqtarmen marapattalǵan. Mádenıet qaıratkeri.
49 jyl buryn (1975) Almaty qalasy Bilim basqarmasynyń basshysy Lázzat Áýeshanqyzy JYLQYBAEVA dúnıege keldi.
Almaty oblysy Kúrti aýdany Kaskelen-Topar aýylynda týylǵan. 1996 jyly Qyzdar pedagogıkalyq ýnıversıtetin, 2000 jyly Qyzdar pedagogıkalyq ýnıversıtetin, 2007 jyly H.A.ıAsaýı Halyqaralyq qazaq-túrik ýnıversıtetin bitirgen.
Eńbek joly: 1996-2006 jyldary №1 Almaty qazaq pedagogıkalyq kolledjiniń tarıh pániniń muǵalimi. 2006 jyly Almaty qalasy Bilim basqarmasynyń attestattaý jáne lıtsenzııalaý bóliminiń bas mamanynyń m.a., 2006-2007 jyldary Almaty qalasy Bilim basqarmasynyń attestattaý jáne lıtsenzııalaý bóliminiń bas mamany, 2007-2012 jyldary Almaty qalasy Bilim departamentiniń attestattaý jáne lıtsenzııalaý bóliminiń bastyǵy, 2012-2016 jyldary Almaty qalasy Bilim basqarmasynyń tehnıkalyq jáne kásiptik bilim berý bóliminiń basshysy bolyp qyzmet atqardy. 2016-2019 jyldary Almaty qalasy Bilim basqarmasy basshysynyń orynbasary laýazymyn atqardy.
Qazirgi qyzmetin 2019 jyldyń jeltoqsan aıynan bastap atqaryp keledi.
«Qurmet» ordenimen marapattalǵan.
43 jyl buryn (1981) Qazaqstan Respýblıkasy Ǵylym jáne joǵary bilim vıtse-mınıstri Darhan Jumaqanuly AHMED-ZAKI dúnıege keldi.
Shyǵys Qazaqstan oblysynda dúnıege kelgen. Ál-Farabı atyndaǵy Qazaq Memlekettik ýnıversıtetin, Q. Sátbaev atyndaǵy Qazaq Memlekettik Tehnıkalyq ýnıversıtetin bitirgen.
Eńbek jolyn 2002 jyly Almaty qalasyndaǵy Respýblıkalyq medıtsına kolledjinde fızıka jáne matematıka pánderiniń oqytýshysy bolyp bastaǵan. 2003 jyly Jańaózen qalasynda «Qazaqoıl» JAQ tehnologııalyq zertteýler ortalyǵynyń ınjener-baǵdarlamashysy bolyp jumys istedi. 2004-2012 jyldary Ál-Farabı atyndaǵy QazUÝ mehanıka-matematıka fakýltetiniń assıstenti, oqytýshysy, aǵa oqytýshysy, dotsenti, dekannyń oqý-tárbıe jumysy jónindegi orynbasary, «Informatıka» kafedrasynyń meńgerýshisi, 2012-2013 jyldary Ál-Farabı atyndaǵy QazUÝ mehanıka-matematıka fakýltetiniń dekany, 2013-2016 jyldary Ál-Farabı atyndaǵy QazUÝ oqý jumysy jónindegi prorektor, 2016-2017 jyldary QR Bilim jáne ǵylym mınıstrliginiń Joǵary jáne joǵary oqý ornynan keıingi bilim departamentiniń dırektory bolyp qyzmet atqarǵan. 2017-2020 jyldary Halyqaralyq bıznes ýnıversıtetiniń prezıdenti, 2020-2022 jyldary Astana IT University rektory, 2022-2023 jyldary QR Ǵylym jáne joǵary bilim mınıstrligi Ǵylym komıtetiniń tóraǵasy laýazymyn atqardy.
Qazirgi qyzmetin 2023 jyldyń qyrkúıeginen beri atqaryp keledi.
128 jyl buryn (1896-1986) qazaqtyń ataqty shopany, eki márte Sotsıalıstik Eńbek Eri Jazylbek QÝANYShBAEV dúnıege kelgen.
Jambyl oblysy Moıynqum aýdanynda týǵan. 1936-1967 jyldary – Jambyl oblysy Kókterek, Aıdarly qoı ósiretin ujymsharlarynda aǵa shopan. 1948 jyly –ár júz saýlyqtan 130-dan tól alǵan, al 1958 jyly ár júz saýlyqtan 145-ten qozy alǵan. Ol ósirgen qarakól qoılarynyń eltirileri halyqaralyq kórmelerde, jármeńkeler men Delı (Úndistan), Býharest (Rýmynııa), Poznan (Polsha), Nıý-Iorkte (AQSh) ótkizilgen aýktsıondarda kórsetildi. Onyń esimi Qazaqstannyń Altyn Qurmet kitabyna jazylǵan. Aıdarly ujymsharynda onyń qoı ósirý jónindegi tájirıbesin úıretetin alǵashqy mektep uıymdastyrylyp, Birlik aýylynda granıt tuǵyrǵa bıýsti ornatylǵan. 3-4-shi saılanǵan Qazaq KSR Joǵarǵy Keńesiniń depýtaty bolǵan.
Lenın ordenimen, «Oraq jáne balǵa» altyn medalimen jáne basqa da medaldarmen marapattalǵan.