29 qyrkúıek. Tulǵalar týǵan kún
58 jyl buryn (1965) áleýmettanýshy, memleket jáne qoǵam qaıratkeri Zarema Káýkenqyzy ShÁÝKENOVA dúnıege keldi.
Shymkentte týǵan. A.A. Jdanov atyndaǵy Lenıngrad memlekettik ýnıversıtetin bitirgen, psıholog (1987).
Eńbek joly: Qarmetkombınatta psıholog, bıýro meńgerýshisi, áleýmettik-psıhologııalyq qyzmetiniń bastyǵy (1987-1997); E. Bóketov atyndaǵy Qaraǵandy memlekettik ýnıversıteti psıhologııa kafedrasynyń oqytýshysy (óndiristik psıhologııa, qarym-qatynas psıhologııasy) (1992-1996); L. Gýmılev atyndaǵy Eýrazııa ulttyq ýnıversıteti áleýmettaný kafedrasynyń oqytýshysy (menedjment áleýmettanýy, buqaralyq aqparat quraldary áleýmettanýy) (1998-2002); «TsESSI-Qazaqstan» salystyrmaly áleýmettik zertteýler ınstıtýtynyń dırektory (1997-2007); «Áleýmettaný-Sosiology» jýrnalynyń bas redaktory (2009 jyldan); Qazaq memlekettik ýnıversıtetiniń fılosofııa jáne saıasattaný fakýltetiniń dekany (2007-2010); QR Prezıdenti janyndaǵy Qazaqstan strategııalyq zertteýler ınstıtýty dırektorynyń orynbasary (2010-2011); QR Bilim jáne ǵylym mınıstrligi «Fılosofııa, saıasattaný jáne dintaný ınstıtýty» memlekettik qazynalyq kásipornynyń dırektory (2011-2017); QR Prezıdenti janyndaǵy Qazaqstan strategııalyq zertteýler ınstıtýtynyń dırektory (2017-2022).
Ahmet Baıtursynov atyndaǵy orden (2015); «Astanaǵa 10 jyl» (2008), «Qazaqstan halqy Assambleıasyna 20 jyl» (2015), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń táýelsizdigine 25 jyl» (2016), «Astanaǵa 20 jyl», Qazaqstan halqy Assambleıasynyń «Birlik» altyn medali (2016), «Qazaqstan Respýblıkasy Prezıdenti janyndaǵy QazSǴZI 25 jyldyǵy» mereıtoılyq medali (2018); Qazaqstan Respýblıkasy Ǵylym Mınıstrligi men Bilim Mınıstrliginiń «Qazaqstan Respýblıkasy ǵylymyn damytýǵa qosqan úlesi úshin» tós belgisi (2003) «Y. Altynsarın» (2009), «Qazaqstan Respýblıkasynyń bilim berý isiniń úzdigi» (2014) medaldarymen marapattalǵan.
55 jyl buryn (1968) Qazaqstan Respýblıkasynyń Tájikstan Respýblıkasyndaǵy Tótenshe jáne Ókiletti Elshisi Ýálıhan Ámirhanuly TÓREHANOV dúnıege keldi.
Shymkent qalasynda dúnıege kelgen. M. Áýezov atyndaǵy Shymkent pedagogıkalyq ınstıtýtyn, Qaraǵandy ekonomıkalyq ýnıversıtetin bitirdi.
Eńbek qyzmeti: tarıh pániniń muǵalimi; QR Syrtqy ister mınıstrligi ortalyq apparatynyń jáne oqý oryndarynyń kadr jumysy basqarmasynyń bastyǵy, apparat basshysynyń orynbasary; Ákimshilik jáne baqylaý departamentiniń jáne TMD departamentiniń dırektory; Soltústik Qazaqstan oblysy ákimi apparatynyń Ekonomıkalyq saıasat jáne saýda bólimi basshysynyń orynbasary; QR Syrtqy ister mınıstrligi Ortalyq Azııa departamentiniń dırektory.
Qazirgi qyzmetin 2022 jyldyń naýryzynan bastap atqaryp keledi.
49 jyl buryn (1974) kásipker, QR NOMAD MMA federatsııasynyń prezıdenti, QR Penchak Sılat qaýymdastyǵynyń prezıdenti Gadjı Shapıuly GADJIEV dúnıege keldi.
Menedjment jáne bıznes ınstıtýtyn bitirgen. Reseı Federatsııasynyń Qarjy jáne quqyq ınstıtýty (2003-2009); Qazaq kólik ýnıversıteti (2013-2015); Qazaq kólik ýnıversıteti, magıstratýra (2016); Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik basqarý akademııasy (2019).
Eńbek joly: Qazaqstan Respýblıkasy jáne Qytaı Halyq Respýblıkasynda saýda salasynda jumys istedi (1994); «Jol jóndeýshi kompanııasy» JShS basqarýshy dırektory (2015-2017); «Naıza-Qurylys» kontserni baqylaý keńesiniń tóraǵasy (2016-2017); «SA construction group» JShS bas dırektory (2017 jyldan bastap).
Reseı kýng-fý federatsııasynyń Azııadaǵy ókili, Qazaqstan Respýblıkalyq jekpe-jek óneri odaǵy Joǵarǵy Keńesi Prezıdıýmynyń múshesi; Qazaqstannyń NOMAD MMA respýblıkalyq federatsııasynyń prezıdenti, Qazaqstan Respýblıkasy Penchak Sılat qaýymdastyǵy, MMA Qazaqstan aralas jekpe-jek birikken federatsııasynyń vıtse-prezıdenti.
42 jyl buryn (1981) Semeı qalasynyń ákimi Nurbol Tólegenuly NURSAǴATOV dúnıege keldi.
Shyǵys Qazaqstan oblysynda týǵan. 2003 jyly E.A. Bóketov atyndaǵy Qaraǵandy memlekettik ýnıversıtetin ekonomıst-menedjer mamandyǵy boıynsha támamdaǵan. 2005 jyly ekinshi joǵarǵy bilimin L.V. Gocharov atyndaǵy Qazaq avtomobıl-jol ýnıversıtetinde alǵan.
2005-2008 jyldary qala ákimdiginiń Memlekettik sáýlet-qurylys baqylaý basqarmasynda bas maman, bólim basshysy, dırektor orynbasary bolǵan. 2008-2011 jyldary Astana qalasy ákimdiginiń Qurylys basqarmasy basshysynyń orynbasary; 2011-2012 jyldary Aýyl sharýashylyǵy Mınıstrliginiń sý resýrstary Komıteti tóraǵasynyń orynbasary laýazymyn atqarǵan. 2014-2019 jyldar aralyǵynda Shyǵys Qazaqstan oblysy ákimdiginiń Kólik jáne avtomobıl joldary basqarmasyna, Almaty qalasy ákimdiginiń Qurylys basqarmasyna jáne Astana qalasy ákimdiginiń Qorshaǵan ortany qorǵaý basqarmasyna basshylyq jasady. Astana qalasy «Baıqońyr» aýdanynyń ákimi (2020-2021). Astana qalasy «Almaty» aýdanynyń ákimi (2021-2022).
2022 jyldyń qaza aıynan bastap qyzmet etedi.
«Eren eńbegi úshin» medalimen, «Qurmetti qurylysshy» tósbelgisimen marapattalǵan (2016).
40 jyl buryn (1983) «QazAvtoÓnerkásip» ZTB basqarma tóraǵasy Asqar Saparuly ÁMІRTAEV dúnıege keldi.
«Bolashaq» baǵdarlamasynyń túlegi, Ulybrıtanııanyń Ýorvık ýnıversıtetin halyqaralyq korporatıvtik basqarý jáne qarjylyq retteý (LLM) mamandyǵy boıynsha (2010), Almaty qalasyndaǵy Zań ınstıtýtyn bitirgen (2004).
Eńbek joly: «Qazaqstannyń ınvestıtsııalyq qory» AQ bas zańgeri (2008-2009); «Astana Fınans Banki» AQ Zań departamentiniń dırektory (2010-2011); «Qazaqstannyń Damý banki» AQ Zań departamenti dırektorynyń orynbasary (2011); «QazAgroQarjy» AQ quqyqtyq qamtamasyz etý basqarmasynyń bastyǵy (2012); «Samuryq-Qazyna Invest» JShS bas zańgeri (2012-2013); «Báıterek» UBH» AQ Quqyqtyq qamtamasyz etý departamentiniń dırektory (2013-2014); «Qazaqstannyń damý banki» AQ basqarýshy dırektory (2014-2015); «Qazaqstannyń Damý Banki» AQ Basqarma múshesi, basqarýshy dırektory (2015-2020).
Qazirgi qyzmetin 2020 jyldyń naýryz aıynan beri atqaryp keledi.
30 jyl buryn (1993) reper, ánshi, prodıýser Bahtııar Gýseınuly MAMEDOV (Jah Khalib) dúnıege keldi.
Almaty qalasynda týǵan. Mýzyka mektebiniń saksofon synybynda oqydy. Qurmanǵazy atyndaǵy Qazaq ulttyq konservatorııasynyń mýzykataný jáne menedjment fakýltetin bitirgen.
Ol kóptegen qazaq reperlerimen jumys istedi, sonyń ishinde Introvert, PR’OXY, Santos, Antrax, Hirosima jáne t.b. Óziniń trekteri taratylǵan áleýmettik jelilerdiń arqasynda keńinen tanymal boldy. Sonyń ishinde keń tanymal bolǵany – «Seniń kózderiń», «SnD» jáne «Sen men úshin» alǵashqy trekteri.
2015 jáne 2016 jyldary ol Forbes Kazakhstan jýrnalynyń shoý-bıznes jáne sport juldyzdarynyń tizimine endi. 2016 jyly «If Che, I am Bach» jeke albomyn shyǵardy. 2017 jyly menedjerimen birge «Leıla» ánine beınebaıan túsirdi. Sol jyly Mýz-TV arnasynyń syılyǵyna ıe boldy. 2018 jyly Máskeýde «Medına» áni úshin «Altyn grammofon» aldy. 2019 jyly «Coming Out» albomyn shyǵardy.