29 qazanda 15 óńirde máslıhat depýtattarynyń saılaýy ótedi

ASTANA. QazAqparat - Aǵymdaǵy jylǵy 29 qazanda elimizdiń 15 óńirindegi 105 saılaý okrýginde shyǵyp qalǵan máslıhat depýtattarynyń ornyna saılaý ótedi, dep habarlaıdy QazAqparat QR Ortalyq saılaý komıssııasynyń baspasóz qyzmetine silteme jasap.

Saılaý barysynda 22 oblystyq, 19 qalalyq, 64 aýdandyq máslıhat depýtaty saılanady.

Qazirgi ýaqytta máslıhat depýtattyǵyna 185 adam usynyldy. Olardyń ishinde 26-sy saıası partııalardan, 159-y ózin-ózi usyný tártibi boıynsha.

Sonymen, Aqtóbe oblysynda 19 kandıdat usynyldy, Almaty oblysynda - 8, Atyraý obylysynda - 5, ShQO - 15, Jambyl oblysynda - 3, BQO - 18, Qaraǵandy oblysynda - 25, Qostanaı oblysynda - 25, Qyzylorda oblysynda - 12, Mańǵystaý oblysynda - 11, Pavlodar oblysynda - 10, SQO - 8, OQO - 7, Almaty qalasy boıynsha 17 kandıdat usynyldy.

Usynylǵan kandıdattardyń ishinen 41-i oblystyq máslıhatqa, 32-si qalalyq máslıhatqa, 122-si aýdandyq máslıhatqa daýysqa túsýde.