29 qarasha. Tulǵalar týǵan kún
66 jyl buryn (1957) QR Parlamenti Senaty janyndaǵy Senatorlar keńesiniń múshesi Muratbaı Smataıuly JOLDASBAEV dúnıege keldi.
Jambyl oblysy Qyzyljar aýdanynyń Qyzyl Oktıabr aýylynda týǵan. 1981 jyly V.P. Gorıachkın atyndaǵy Máskeý aýyl sharýashylyǵy óndirisiniń ınjenerleri ınstıtýtynyń «Aýyl sharýashylyǵyn mehanıkalandyrý» fakýltetin bitirgen, ınjener-mehanık.
Eńbek joly: 1975-1981 jyldary Jambyl oblysy Qyzyljar aýdany «Qyzyl oktıabr» ujymsharynyń jumysshysy, 1981-1982 jyldary Jambyl oblysy Qyzyljar aýdany «Jańa Turmys» keńsharynyń baqylaýshy mehanıgi, 1982 jyldan bas ınjeneri bolyp eńbek etti. 1992-2007 jyldary «Sarybulaq» keńsharynyń dırektory, «Sarybulaq» AAQ prezıdenti, Jambyl oblysy Qordaı aýdany «Sarybulaq» JShS prezıdenti qyzmetterin atqardy. 2003-2006 jyldary «KAZEXIM group» JShS dırektorynyń orynbasary, «Maıs Agro» JShS dırektory, 2006-2007 jyldary «Maıs Agro» JShS dırektorynyń agrarlyq saıasat jónindegi, óndiris jónindegi orynbasary, bas dırektorynyń birinshi orynbasary, 2007-2009 jyldary Jambyl oblysy Qordaı aýdanynyń ákimi boldy. 2009-2014 jyldary Jambyl oblysy ákiminiń orynbasary, 2014-2020 jyldary QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi boldy.
Qazirgi qyzmetin 2020 jyldan atqaryp keledi.
«Qurmet» ordenimen (1999), «Astana» medalimen marapattalǵan.
52 jyl buryn (1971) Eýrazııalyq ekonomıkalyq komıssııanyń Básekelestik jáne monopolııaǵa qarsy retteý mınıstri Baqyt Turlyhanuly SULTANOV dúnıege keldi.
Almaty qalasynda týǵan. 1994 jyly Qazaq ulttyq tehnıkalyq ýnıversıtetin «Robototehnıkalyq keshender jáne júıeler» mamandyǵy boıynsha úzdik bitirdi. 1995 jyly Qazaq memlekettik basqarý akademııasyn «Bıznes jáne menedjment» mamandyǵy boıynsha bitirdi.
Eńbek joly: 1994 jyly Qazaqstan Respýblıkasy Qarjy mınıstrligi Qarjy naryǵynyń baǵaly qaǵazdar basqarmasynyń aktsıonerleý jáne lıtsenzııalaý bólimine jetekshi maman bolyp jumysqa turdy. 1995-1996 jyldary Qarjy mınıstrliginde bólim bastyǵy, 1996-1997 jyldary basqarma bastyǵynyń orynbasary, 1997-1998 jyldary Bıýdjet departamenti dırektorynyń orynbasary, 1998-1999 jyldary Memlekettik satyp alý jónindegi departament dırektory, 1999-2001 jyldary Qazynashylyq departamenti dırektorynyń orynbasary, 2001-2002 jyldary Bıýdjet departamenti dırektorynyń orynbasary, 2002 jyly Memlekettik bıýdjet departamentiniń dırektory qyzmetin atqardy. 2002-2003 jyldary Qazaqstan Respýblıkasy ekonomıka jáne bıýdjettik josparlaý mınıstrligi bıýdjettik saıasat jáne josparlaý departamentiniń dırektory, 2003-2006 jyldary ekonomıka jáne bıýdjettik josparlaý mınıstrliginiń vıtse-mınıstri, 2006-2007 jyldary QR Statıstıka agenttiginiń tóraǵasy, 2007 jylǵy qańtar-tamyz aılarynda QR Qarjy vıtse-mınıstri boldy. 2007 jylǵy tamyzdan bastap QR ekonomıka jáne bıýdjettik josparlaý mınıstri, 2010-2012 jyldary QR Prezıdentiniń kómekshisi, 2012-2013 jyldary QR Prezıdenti Ákimshiligi Basshysynyń orynbasary qyzmetterin atqardy. 2013-2014 jyldary QR Premer-Mınıstriniń orynbasary - Qarjy mınıstri, 2014-2018 jyldary Qazaqstan Respýblıkasynyń Qarjy mınıstri, 2018-2019 jyldary Astana qalasynyń ákimi, 2019-2022 jyldary QR Premer-Mınıstriniń orynbasary - Saýda jáne ıntegratsııa mınıstri boldy.
Qazirgi qyzmetin 2022 jyldyń qazan aıynan atqaryp keledi.
«Qurmet» ordenimen, medaldarmen marapattalǵan.
49 jyl buryn (1974) QR Parlamenti Májilisiniń VIII shaqyrylym depýtaty, Áleýmettik-mádenı damý komıtetiniń múshesi, «Qazaqstan Halyq partııasy» Fraktsııasynyń múshesi Gaýhar Shaımerdenqyzy TANAShEVA dúnıege keldi.
1992-1998 jyldary S.J. Asfendııarov atyndaǵy Qazaq memlekettik medıtsına ýnıversıtetin emdeý isi mamandyǵy boıynsha, 1998-2000 jyldary S.J. Asfendııarov atyndaǵy Qazaq memlekettik medıtsına ýnıversıtetin kardıologııa mamandyǵy, 2002-2007 jyldary Halyqaralyq mamandyqtar ınstıtýtyn ekonomıka mamandyǵy boıynsha támamdaǵan. 2008 jyly «Kardıologııa jáne ishki aýrýlar ǵylymı-zertteý ınstıtýtynda» kardıologııa mamandyǵy boıynsha biliktiligin arttyrǵan.
Eńbek joly: 2000-2002 jyldary S.J. Asfendııarov atyndaǵy QazUMÝ, ınternderge arnalǵan ishki aýrýlar kafedrasynyń assıstenti boldy. 2003-2016 jyldary iri farmatsevtıkalyq kompanııalardyń marketıng bóliminde (Pfizer, Gedeon Richter, Zentiva, Sanofi, Actavis) eńbek etti. 2014-2022 jyldary «Qazaqstan balalary «Jastardy damytý Almaty qaıyrymdylyq qory» Qoǵamdyq qorynyń prezıdenti qyzmetin atqardy. 2020 jyldan qazirgi ýaqytqa deıin «Qazaqstan analarynyń birlestigi» korporatıvtik qorynyń dırektory.
Qazirgi qyzmetin 2023 jyldyń naýryz aıynan atqaryp keledi.
Almaty qalasynda ótken «Mereıli otbasy» ulttyq baıqaýynyń jeńimpazy, «Jańa Qazaqstannyń 100 jańa esimi» respýblıkalyq baıqaýynyń jeńimpazy, Qazaqstan Respýblıkasynyń Prezıdenti Q. Toqaevtyń atynan, Almaty qalasy men Almaty oblysynyń balalar úıleriniń basshylarynyń atynan Alǵys hattarmen marapattalǵan.
44 jyl buryn (1979) QR KM Temirjol jáne sý kóligi komıtetiniń tóraǵasy Rljas Saparbekuly SAPARBEKOV dúnıege kelgen.
Aqtóbe qalasynda týǵan. Qazaq kólik jáne kommýnıkatsııalar akademııasyn, Akademık E.A. Býketov atyndaǵy Qaraǵandy memlekettik ýnıversıtetin bitirgen.
Eńbek jolyn 2001 jyly jeke menshik temirjol kompanııasynda bastaǵan. 2001-2006 jyldary «Qazaqstan temir joly» UK» qurylymynda jumys istedi. 2006-2016 jyldary jeke kommertsııalyq qurylymdarda basshylyq qyzmetterdi atqardy. 2016-2019 jyldary «Atameken» UKP sarapshy, departament dırektorynyń orynbasary, 2019-2021 jyldary Qostanaı oblysy ákimdiginiń kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary, basshysy qyzmetterin atqardy. 2021-2023 jyldary QR Indýstrııa jáne ınfraqurylymdyq damý mınıstrligi Indýstrııalyq damý komıteti tóraǵasynyń orynbasary, 2023 jyldyń maýsym aıynan qarashaǵa deıin QR Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary boldy.
Qazirgi qyzmetin 2023 jyldyń qarasha aıynan atqaryp keledi.
41 jyl buryn (1982) Qazaqstan Respýblıkasy Prezıdentiniń Qazaqstan Respýblıkasy Parlamentindegi Ókildiginiń basshysy Ámirbek Qanatbekuly OSPANBEKOV dúnıege keldi.
QR ІІM Barymbek Beısenov atyndaǵy Qaraǵandy zań ınstıtýtyn, «Turan-Astana» ýnıversıtetin támamdaǵan.
Ár jyldary Qazaqstan Respýblıkasynyń Іshki ister organdarynda qyzmet atqardy, Qazaqstan Respýblıkasy Parlamenti Senaty depýtatynyń kómekshisi, Halyqaralyq qatynastar, qorǵanys jáne qaýipsizdik komıtetimen ózara is-qımyl jónindegi bólimniń bas konsýltanty, Senat apparatynyń uıymdastyrý-baqylaý jáne kadr jumysy bólimi meńgerýshisiniń orynbasary, kadr jumysy jáne aqparattyq qaýipsizdik bóliminiń meńgerýshisi bolyp jumys istedi. 2021-2022 jyldary Qazaqstan Respýblıkasy Prezıdenti keńsesi bastyǵynyń orynbasary bolǵan.
Qazirgi qyzmetin 2022 jyldyń aqpan aıynan atqaryp keledi.