29 qarasha kúni Astanada «Qazaqstan jastary - 2017» Ulttyq baıandamasy tanystyrylady
Іs-sharaǵa Parlament depýtattary, memlekettik uıymdardyń, elshilikterdiń, Bilim jáne ǵylym mınıstrligi, Din isteri jáne azamattyq qoǵam mınıstrligi ókilderi, «Nur Otan» partııasynyń «Jas Otan» jastar qanaty, respýblıkalyq jastar uıymdary, memlekettik jastar saıasaty salasyndaǵy sarapshylary, Astana qalasy boıynsha jastar saıasaty máselesi jónindegi basqarma basshysy men mamandary, sondaı-aq jastar resýrstyq ortalyqtary men jastardyń ózin-ózi basqarý mekemeleri qatysady.
Ulttyq baıandama Qazaqstan Respýblıkasyndaǵy memlekettik jastar saıasatynyń kúıi jáne jastardyń jaǵdaıyn taldaýǵa arnalǵan. Baıandamada áleýmettanýlyq zertteýler, memlekettik uıymdardyń resmı statıstıkalyq jáne ózge málimetteri negizinde qazaqstandyq jastardyń áleýmettik-demografııalyq beınesi kórsetilgen; bilim jáne ǵylym, jumyssyzdyq pen kásipkerlik, quqyq, densaýlyq, bos ýaqyt jáne qoǵamdyq-saıası belsendiligi salalarynda jastardyń jaǵdaıyna tereńdetilgen taldaý jasalǵan.
«Memlekettik jastar saıasaty týraly» Qazaqstan Respýblıkasy Zańyna sáıkes, «Qazaqstan jastary» Ulttyq baıandamasy - memlekettik jastar saıasatyn júzege asyrýdy taldaýǵa jáne onyń damýyna arnalǵan usynystaryn qamtıtyn jyldyq esep.
Memlekettik jastar saıasaty mektebiniń jumysy jastarmen jumys jasaıtyn mamandardyń biliktiligin damytýǵa jáne olardyń «Qazaqstan 2020: bolashaqqa jol» atty 2020 jylǵa deıingi Memlekettik jastar saıasaty kontseptsııasyn júzege asyrý boıynsha Іs-sharalar jospary sheńberinde memlekettik jastar saıasatyn tıimdi júzege asyrýǵa arnalǵan kásiptik quzyrettiligin qalyptastyrýǵa baǵyttalǵan.