288 qylmystyq is sotqa joldandy -qańtar oqıǵasy
15:22, 03 Mamyr 2022
NUR-SULTAN. QazAqparat – QR Bas prokýratýrasynyń 1 qyzmet bastyǵynyń orynbasary Eldos Qılymjanovtyń aıtýynsha, qańtar oqıǵasy boıynsha 288 qylmystyq is sotqa joldanǵan, dep habarlaıdy QazAqparat tilshisi.
«Buǵan deıin habarlanǵandaı, tergeýdiń aıaqtalýyna qaraı qylmystyq ister sotqa joldanýda. Qazirgi ýaqytta, sotqa 288 qylmystyq is joldandy, onyń 208-i Almaty qalasynda, Almaty oblysy – 49, Jambyl – 10, Shymkent qalasynda – 9, Qyzylorda – 5, Túrkistan – 4, Aqmola – 2 jáne Atyraý oblysynda – 1», - dedi Bas Prokýratýra ókili Ortalyq kommýnıkatsııalar qyzmetinde ótken brıfıngide.
Onyń aıtýynsha, atalǵan ister negizinde 275 adam sottalǵan.
«Onyń ishinde 22 adam bas bostandyǵynan aıyrýǵa, qalǵandaryna bas bostandyǵyn shekteý, qoǵamdyq jumystar jáne aıyppul túrindegi jaza qoldanyldy», - dedi Eldos Qılymjanov.
Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.