280-nen astam áskerı qyzmetshi Oraldan Atyraý oblysyna kómekke attandy

<p>ORAL. KAZINFORM &mdash; Qyzylorda men Mańǵystaý oblystary tótenshe jaǵdaı departamentteriniń jeke quramy jáne TJ mınıstrligi Qaraǵandy qalasyndaǵy 52859-áskerı bóliminiń áskerleri Oral qalasynan Jaıyq ózeniniń tómengi aǵysynda ornalasqan Atyraý oblysyna kómekke attandy.</p>

Jolǵa jınalǵan 281 qyzmetkerdi shyǵaryp salý rásiminde oblys ákiminiń orynbasary Qalııar Aıtmuhambetov óńir basshysy Narıman Tóreǵalıulynyń atynan qıyn sátte qoldaý bildirgenderi úshin áskerı mamandarǵa rızashylyǵyn bildirip, alǵyshattar tabys etti.

Foto: BQO TJD

Batys Qazaqstan oblysynda sý tasqyny bolyp, tótenshe jaǵdaı rejımi engizilgen kezde ózge óńirlerden áskerı qurylymdardyń, onyń ishinde Tótenshe jaǵdaılar mınıstrliginiń, Ulttyq ulannyń, Shekara qyzmetiniń jeke quramdary kelgen bolatyn. Olar sý tasqynynyń aldyn alýǵa atsalysty.

Foto: BQO TJD

Qazirgi tańda oblys kóleminde sý tasqynyna qatysty jaǵdaı turaqtalyp, Jaıyq ózenindegi sý deńgeıi qaýipti mejeden túsip keledi. Soǵan baılanysty áskerı qyzmetshilerdiń aldyńǵy legi keıin qaıta bastady.

Foto: BQO TJD

Foto: BQO TJD

Eske sala keteıik, budan buryn Jaıyq ózenindegi sý deńgeıi Oral qalasy tusynda tómendegenin jazǵan bolatynbyz.

«Qazaqstan halqyna» qoǵamdyq qory Batys Qazaqstanda 114 turǵyn úı salmaqshy.

BQO ákiminiń orynbasary Batys Qazaqstanda qaýiptiń áli seıile qoımaǵandyǵyn málim etti.