28 jeltoqsan. Tulǵalar týǵan kún
ESІMDER
59 jyl buryn (1964) Qazaqstan Respýblıkasy Parlamenti Senatynyń depýtaty Arman Kárimuly ÓTEǴULOV dúnıege keldi.
Batys Qazaqstan oblysynda týǵan. Saratov zootehnıkalyq-maldárigerlik ınstıtýtyn, Batys Qazaqstan ınjenerlik-tehnologııalyq ýnıversıtetin bitirgen.
Eńbek joly: 1989-1998 jyldary Fýrmanov aýdany «Aqkól» keńsharynyń bas mal dárigeri, Kaztalov aýdany «Taldyapan» aýyl sharýashylyǵy kásipornynyń dırektory. 1998-2002 jyldar aralyǵynda Qaztalov aýdany ákimdiginde jáne oblys ákimi apparatynda basshy jáne jaýapty laýazymdar atqardy. Qaratóbe aýdanynyń ákimi boldy. 2010-2013 jyldary Terekti aýdanynyń ákimi, 2013-2014 jyldary oblystyq aýyl sharýashylyǵy basqarmasynyń bastyǵy, 2014-2015 jyldary BQO ákiminiń orynbasary, 2015-2018 jyldary BQO ákiminiń birinshi orynbasary, 2018-2020 jyldary QR Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy, 2020-2021 jyldary Batys Qazaqstan oblysy, Terekti aýdanynyń ákimi qyzmetin atqardy. 2021-2023 jyldary Batys Qazaqstan oblysy ákiminiń birinshi orynbasary.
2023 jyldan bastap qazirgi qyzmetinde.
59 jyl buryn (1964) «Agroónerkásip keshenin turaqty damytý jáne aýyl sharýashylyǵy ónimderiniń qaýipsizdigi» boıynsha Ulttyq ǵylymı keńestiń múshesi Qaırat Serikbaıuly BISETAEV dúnıege keldi.
Reseı Federatsııasy, Qorǵan qalasynda týǵan.
Chelıabi aýyl sharýashylyǵyn mehanıkalandyrý jáne elektrlendirý ınstıtýtyn jáne RF Úkimeti janyndaǵy Halyq sharýashylyǵy akademııasyn bitirgen.
Eńbek joly: 1989-1992 jyldary oblystyq aýyl sharýashylyǵy basqarmasynyń dırektory, oblys ákiminiń orynbasary, Qostanaı oblysyndaǵy aýyl sharýashylyǵy óndiristik kooperatıvterin uıymdastyrýshy, 1992-2016 jyldary Bisko holdınginiń negizin qalaýshy, Qazaqstan kartop jáne kókónis ósirýshiler odaǵy basqarmasynyń tóraǵasy.
«Eren eńbegi úshin» medalimen marapattalǵan.
45 jyl buryn (1978) QHA Respýblıkalyq medıatsııa keńesiniń tóraǵasy, QR Prezıdenti janyndaǵy Ulttyq Quryltaıdyń múshesi, QR Mádenıet jáne aqparat mınıstrligi Qoǵamdyq keńesiniń múshesi Sherzod Abbozuly PÝLATOV dúnıege kelgen.
Ózbekstan Respýblıkasynyń Andıjan qalasynda týǵan. M.Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha, Halyqaralyq tilder ınstıtýty «Aǵylshyn jáne arab tilderiniń aýdarmashysy» mamandyǵy boıynsha, Islamabad qalasyndaǵy Halyqaralyq ıslam ýnıversıteti (Pákistan) «Islam quqyǵy jáne quqyqtaný» mamandyǵy boıynsha bilim alǵan.
Eńbek joly: «Túrik-Tsement» JShS qurylys materıaldary óndiristik kásipornynyń qarjy dırektory, «KazSnabService TTM» JShS kommertsııalyq-saýda kásipornynyń bas dırektory, «TarazKojObýv» JShS bylǵary-aıaq kıim zaýytynyń bas dırektory, Qazaqstan Respýblıkasy Mádenıet jáne sport mınıstrligi «Din máseleleri jónindegi ǵylymı - zertteý jáne taldaý ortalyǵy» RMM-niń bólim bastyǵy-bas ǵylymı qyzmetkeri, Qazaqstan Respýblıkasy Prezıdenti janyndaǵy «Qoǵamdyq kelisim» RMM-niń ǵylymı zertteýlerdi úılestirý jáne Qazaqstan halqy Assambleıasynyń ǵylymı-saraptamalyq keńesimen ózara is-qımyl máseleleri boıynsha bólim basshysy. Qazaqstan halqy Assambleıasy tóraǵasynyń orynbasary (2019-2020). Nur-Sultan qalasy «Ózbek etnomádenı ortalyǵy» qoǵamdyq birlestiginiń tóraǵasy.
36 jyl buryn (1987) Astana qalasy ákiminiń orynbasary Evgenıı Sergeevıch GLOTOV dúnıege keldi.
Qaraǵandy oblysynda týǵan.
L.N.Gýmılev atyndaǵy Eýrazııa ulttyq ýnıversıtetin «Halyqaralyq quqyq» mamandyǵy boıynsha, «Bolashaq» baǵdarlamasy boıynsha Ulybrıtanııada magıstratýra bitirgen.
Eńbek joly: 2066-2007 jyldary «Qazaqstan jastar kongresi» MM menedjeri, 2007-2008 jyldary «Esirtkisiz bolashaq» korporatıvtik qorynyń atqarýshy dırektory, 2008-2009 jyldary «Qazaqstan aýyl jastary odaǵy» QB tóraǵasy, 2009-2011 jyldary «Agroızdat» JShS dırektorynyń orynbasary, dırektory, 2011-2014 jyldary «STILSOFT-ASTANA» JShS dırektory, 2015 jyly Soltústik Qazaqstan oblysy ákimi apparatynyń bas ınspektory, uıymdastyrý-ınspektorlyq bóliminiń basshysy, 2015-2016 jyldary «Soltústik Qazaqstan oblysy ákimdiginiń kásipkerlik jáne týrızm basqarmasy» KMM basshysy, 2016-2019 jyldary Petropavl qalasy ákiminiń áleýmettik sala jónindegi orynbasary, 2019 jyly «Nur Otan» partııasy Soltústik Qazaqstan oblystyq fılıaly tóraǵasynyń birinshi orynbasary, 2020-2022 jyldary QR Prezıdenti Ákimshiliginiń Іshki saıasat bólimi meńgerýshisiniń orynbasary, 2022-2023 jyldary QR Prezıdenti Ákimshiliginiń memlekettik ınspektory.
2023 jyldyń qazan aıynan bastap qazirgi qyzmetinde.
32 jyl buryn (1991) Qaraǵandy oblysy boıynsha ekonomıkalyq tergeý departamentiniń bastyǵy Nurabı Rashıduly TÓLEÝTAI dúnıege keldi.
Qaraǵandy oblysy, Nura aýdany, Kıevka aýylynda týǵan.
QR Ulttyq qaýipsizdik komıtetiniń akademııasyn, Qazaq gýmanıtarlyq-zań ınnovatsııalyq ýnıversıtetin bitirgen.
Eńbek joly: 2014-2015 jyldary QR QM Qylmystyq protseske qatysýshylardy izdeý jáne qorǵaý departamentiniń bas sarapshysy – ishki ister jónindegi aǵa qyzmetkeri, 2016-2017 jyldary QR Qarjy mınıstrligi Memlekettik kirister komıtetiniń Arnaıy damytý basqarmasy basshysynyń orynbasary, QR Bas Prokýrorynyń kómekshisi, QR Qarjy mınıstriniń keńesshisi qyzmetterin atqardy. 2019-2020 jyldary QR Qarjy mınıstrligi Memlekettik kirister komıteti Іshki ister departamentiniń ofıtseri (rejım boıynsha kómekshi), Profılaktıkalyq jumys jáne baqylaý departamentiniń ishki ister boıynsha anyqtaýshysy (tergeýshi), QR Qarjy mınıstrligi Qarjy monıtorıngi komıtetiniń assıstenti, QR Qarjy mınıstrligi Qarjy monıtorıngi komıtetiniń Astana qalasy boıynsha Ekonomıkalyq tergeýler basqarmasy basshysynyń orynbasary, 2021-2023 jyldary QR Qarjy mınıstrligi Qarjy monıtorıngi komıtetiniń Aqmola oblysy boıynsha Ekonomıkalyq tergeýler departamentiniń basshysy.
2023 jyldyń mamyr aıynan bastap qazirgi qyzmetinde.
125 jyl buryn (1898-1948) memleket jáne qoǵam qaıratkeri, pýblıtsıst Alma Dinmuhamedqyzy ORAZBAEVA dúnıege kelgen.
Batys Qazaqstan oblysynyń Jánibek aýdanynda týǵan. Ordadaǵy orys-qazaq áıelder ýchılıshesin, 2 synyptyq qyzdar mektebin, pedagogıkalyq kýrsty bitirgen.
1919 jyly komsomol qataryna ótip, sol jyldyń maýsymynda qyzyl áskerdiń Qazaqstandaǵy tuńǵysh saıası klýbyn uıymdastyrdy. Sol jyly qarasha aıynda Kırov revolıýtsııalyq komıteti aqparattyq bóliminiń meńgerýshisi bolyp taǵaıyndaldy. 1920 jyly tamyzda Orynbor gýbernııasy partııa komıtetiniń janynan qurylǵan qyrǵyz (qazaq) bóliminiń alqa músheligine saılandy. 1920 jyly qazanda Búkilodaqtyq Quryltaı sezine delegat bolyp saılanyp, onyń atqarý komıtetiniń quramyna endi. Bókeı uıymynan Búkilreseılik Shyǵys áıelderiniń sezin ótkizýge at salysyp, áıel teńdigi, oqý-aǵartý máselelerin sheshýge, olardy qoǵamdyq jumysqa tartý isine tikeleı aralasty. 1921 jyly mamyrda ótken Búkilodaqtyq Kommýnıstik (bolshevıkter) partııasy Búkilodaqtyq jumysshy áıelderdiń Ortalyq uıymy májilisine qatysyp, áıelder qozǵalysynyń atynan sóz sóıledi. Kommýnıst áıelderdiń Berlınde ótken 3-shi halyqaralyq konferentsııasyna, Komınternniń 5-shi kongresine delegat bolyp qatysty. 1931 jyly aýyr dertke shaldyǵýyna baılanysty zeınetke shyqty. Ol «Stepnaıa pravda», «Sovetskaıa step», «Eńbekshi qazaq», «Jas qazaq», «Durystyq joly» gazetterine qazaq áıelderiniń qoǵam isine aralasýy, áıelder arasyndaǵy mádenı-aǵartý jumystarynyń júrgizilý barysy, qalyńmal máselelerine arnap «Qazaq áıelderi dańǵyl jol ústinde», «Qazaq áıelderiniń qalyńmaldan qutylǵan kúni», «Oktıabr revolıýtsııasy jáne qyrǵyz áıeli», «Áıelder bostandyǵy» taǵy basqa maqalalaryn jarııalaǵan. Keıbir maqalalary «Qazaq áıeli», «Saǵıda» sııaqty búrkenshek atpen jazylǵan. Orazbaeva qazaq ánderi men kúılerin jınaǵan A.V.Zataevıchke óziniń oryndaýymen qazaqtyń «Jaıyq», «Qosaı», «Tanysý jyry», «Zeıneshim», «Saryjan», «Tórt pishin», «Aınamkóz», «ıApyraı», «Qyz uzatý» (Qoshtasý) sııaqty barlyǵy 18 ániniń «Qazaq halqynyń 1000 áni» jınaǵyna enýine muryndyq boldy.
79 jyl buryn (1944-2017) Qazaqstannyń qurmetti jýrnalısi, «Proza.rý» Ulttyq portalynyń ádebı syılyǵyna úmitker dıplom ıegeri Anatolıı Stepanovıch GÝRSKII dúnıege kelgen.
Soltústik Qazaqstan oblysynda týǵan. Joǵary ekonomıkalyq jáne fılologııalyq bilimi bar.
Eńbek jolyn keńshardyń traktorlyq brıgadasynan bastady. Áskerden kelgennen keıin Qazaqstannyń LKSM aýdandyq jáne oblystyq komıtetinde jumys jasady. 1969 jyldyń qazan aıynan bastap aýdandyq jáne oblystyq gazetterde, TASS tilshisiniń ókilettigimen KazTAG agenttiginde jýrnalıstik jáne basqarýshylyq qyzmetterdi atqardy. 1994 jyldan «Vestı Kazahstana» parlamenttik gazetiniń bas redaktory boldy. 1996 jyldyń naýryz aıynyń basynda Qazaqstan baspa jáne jalpy aqparat ulttyq agenttigi tóraǵasynyń orynbasary boldy. Aqparat jáne qoǵamdyq kelisim mınıstrliginiń BAQ departamentin basqardy. 1999 jyldyń naýryzynan «Kazahstanskaıa pravda» gazetiniń prezıdenti qyzmetin atqardy. «Agrarnyı Kazahstan» respýblıkalyq aptalyq basylymyn shyǵaryp ári basshylyq etti.