28 tamyz kúni elimizdiń basym bóliginde jel turyp, jańbyr jaýady

<p>ASTANA. KAZINFORM — «Qazgıdromet» RMK el aýmaǵynda 28 tamyzda bolatyn qaýipti meteorologııalyq qubylystarǵa boljam jasady.</p>

Frontaldy bólimderdiń ótýimen Qazaqstannyń kóp bóliginde aýa raıynyń turaqsyz sıpaty saqtalady. Naızaǵaı, burshaq, daýylmen birge jańbyr jaýyp, túnde eldiń ortalyǵynda qatty jaýyn jaýady.

Respýblıkanyń batysynda, ońtústik-batysynda, soltústik-batysynda jaýyn-shashynsyz aýa raıy saqtalady. Respýblıka boıynsha jeldiń kúsheıýi kútilip, eldiń soltústiginde, soltústik-batysynda, shyǵysynda túngi jáne tańerteńgi saǵattarda tuman bolyp, ońtústiginde, ońtústik-batysynda shańdy daýyl turady.

«Abaı, Ulytaý oblystarynda, Batys Qazaqstan oblysynyń batysynda, ortalyǵynda, Atyraý oblysynyń ortalyǵynda, ońtústik-shyǵysynda, Mańǵystaý oblysynyń ortalyǵynda, Qyzylorda oblysynyń soltústik-shyǵysynda, ortalyǵynda, Jetisý oblysynyń soltústik jartysynda, Qaraǵandy oblysynyń batysynda, shyǵysynda, Aqtóbe oblysynyń ońtústiginde, Almaty oblysynyń batysynda, soltústiginde, Shyǵys Qazaqstan oblysynyń batysynda joǵary órt qaýpi saqtalady», — dep jazdy sınoptıkter.

Qyzylorda, Túrkistan, Jambyl, Atyraý, Mańǵystaý oblystarynda, Shyǵys Qazaqstan, Qaraǵandy, Ulytaý oblystarynyń ońtústiginde, Batys Qazaqstan oblysynyń ońtústiginde, shyǵysynda, Abaı oblysynyń batysynda, soltústik-batysynda, ońtústiginde tótenshe órt qaýpi bar.