28 sáýirde aýa raıy qandaı bolady

<p>ASTANA. KAZINFORM &mdash; &laquo;Qazgıdromet&raquo; RMK 28 sáýirge &nbsp;arnalǵan sınoptıkalyq jaǵdaı men Qazaqstan aýmaǵyndaǵy aýa raıynyń qaýipti qubylystaryna qatysty boljammen bólisti.&nbsp;</p>

Sınoptıkterdiń boljamynsha, elimizdiń soltústik jáne ońtústik óńirlerinde turaqsyz aýa-raıy kútiledi, naızaǵaımen jańbyr jaýady, ońtústiktiń, ońtústik-shyǵystyń taýly aımaqtarynda jańbyr men qar túrinde jaýyn-shashyn, ońtústik-shyǵysta keı ýaqyttarda qatty jaýyn-shashyn jaýady. 

Elimizdiń batysyna, shyǵysyna, ortalyǵyna antıtsıklon áser etedi, onymen jaýyn-shashynsyz aýa-raıy kútiledi. Respýblıka boıynsha jeldiń kúsheıýi, ońtústiginde, ońtústik-shyǵysynda burshaq, ońtústiginde daýyl, shańdy daýyl, ońtústik-shyǵysynda tuman kútiledi.

Jambyl oblysynyń túnde shyǵysynda, taýly aýdandarynda 2 gradýs úsik kútiledi.

Mańǵystaý oblysynyń basym bóliginde, Qyzylorda oblysynyń ortalyǵynda, ońtústiginde, Túrkistan oblysynyń soltústiginde, Atyraý oblysynyń ońtústiginde joǵary órt qaýipi saqtalady, Jetisý oblysynyń soltústiginde, Abaı, Qaraǵandy oblystarynyń ońtústiginde joǵary órt qaýipi kútiledi.