«28 panfılovshy» fılminiń prokatymen amerıkalyq kompanııa aınalysady
«Ótken jyly bizdiń «28 panfılovshy» ortaq fılmimiz kınonaryqta asqan tanymaldylyqqa ıe boldy. Meniń bilýimshe, qazir prodıýserler kartınany sheteldik prokatqa satý boıynsha kelissózder júrgizip jatyr. Olardyń dıstrıbıýtory - amerıkalyq "Universal pictures" kompanııasy. Sondyqtan «28 panfılovshy» kóptegen eldiń ekranynan kórsetiledi degen oıdamyn», - dep habarlady RF mádenıet mınıstri Vladımır Medınskıı Astanada Qazaqstan men Reseıdiń 2017 jylǵa josparyna qol qoıý saltanatynan keıin jýrnalıster suraǵyna jaýap berip.
Sonymen birge, ol bıylǵy jospar aıasynda eki ortaq fılmniń túsirilimi josparlanǵanyn atap ótti.
«Biz qazaqstandyq tarapqa ortaq prodıýserlikke eki joba usyndyq. Bir fılmniń oqıǵa jelisi soǵysqa deıingi kezeńdi qamtıdy. Ony «28 panfılovshyny» túsirgen komanda júzege asyrady. Ekinshi fılm - zamanaýı drama, rejısseri Vera Glagoleva, onyń túsirilim jumystary Qazaqstanda ótedi. Ázirge ataýlary naqty bekitilmedi, sondyqtan aıta almaımyn», - dep tolyqtyrdy V.Medınskıı.