28 naýryzdan bastap BATYR BEINESI monetasy aınalymǵa shyǵady

ASTANA. QazAqparat - Qazaqstan Ulttyq banki 28 naýryzdan bastap áıgili estrada ánshisi, kompozıtor Batyrhan Shúkenovtiń qurmetine arnalǵan kollektsııalyq monetalardy satýǵa shyǵarady, dep habarlaıdy QazAqparat.

«Qazaqstandy monetalar arqyly zertte!» serııasynan Street art. BATYR BEINESI kollektsııalyq monetasy. Synamasy 925/1000 kúmis monetasy túrli tústi baspa tehnologııasy qoldana otyryp daıyndalǵan. Massasy 31,1 gramm, mólsheri 30h45 mm, daıyndaý sapasy – proof, nomınaly 500 teńgelik, taralymy 5 000 dana», - delingen Banktiń habarlamasynda.

Aıta ketsek, Qazaqstannyń áıgili estrada ánshisi, kompozıtor Batyrhan Shúkenov Qyzylorda oblysynda týǵan.

1982 jyldan Roza Rymbaevany súıemeldeıtin «Araı» tobyna kirdi. 1987 jyly «Almaty» tobyn qurady.

Keıinnen ol «Almaty-Stýdıo» toby bolyp qaıta quryldy. 1989 jyly óziniń ataqty «Djýlııa» dep atalatyn hıtyn jazdy. Osy jyly «A-Stýdıo» Alla Pýgachevanyń «Rojdestvolyq keshter» ásh keshine qatysqannan keıin ansambl ataǵy burynǵy Sovet odaǵy aýmaǵynda tanymal boldy. Ánshi 2002 jyly Qazaqstanǵa oralyp, óziniń alǵashqy «Otan ana» atty jeke albomyn shyǵardy. 2007 jyly QR Prezıdenti Nursultan Nazarbaevtyń mádenıet jónindegi keńesshisi boldy. 2009 jyly ıÝNISEF erikti elshisi, 2010 jyly Almatydaǵy Qaıyrymdylyq baly komıtetiniń qurmetti múshesi boldy.

Batyrhan Shúkenov 53 jasqa qaraǵan shaǵynda Máskeý qalasynda júrek talmasynan qaıtys boldy. Marqum Almatyda jerlendi.