28 myń adam kásiptik oqytý platformasynda kýrstardan ótti

ASTANA. QazAqparat - 28,9 myń azamat skills.enbek.kz onlaın kásiptik oqytý platformasynda kýrstardan ótip, sertıfıkattar aldy dep habarlaıdy QazAqparat Eńbek mınıstrlgine silteme jasap.

Platformada jalpy 220,9 myń qazaqstandyq tirkeldi, onyń 28,5 myńy 2023 jyly tirkelgen.

Oqýdan ótken 6,2 myń jumyssyz azamattyń 1,1 myńy – negizinen Aqtóbe, Almaty, Qyzylorda, Túrkistan oblystary men Almaty qalasynyń jastary.

Platforma iske qosylǵan sátten bastap avtorlar onda ártúrli baǵyt boıynsha 211 kýrs jarııalady, onyń 155-i tegin. Kýrstardyń uzaqtyǵy 1-den 72 saǵatqa deıin.

Eń tanymal kýrstar – «Razvedenıe KRS molochnogo napravlenııa», «Jylyjaıda kókónis ósirý tehnologııasy modýliniń maqsaty, mindeti jáne mazmuny», «Vyraşıvanıe klýbnıkı ot A do ıA», «Sútti iri qara ósirý», «Ýpravlenıe personalom» jáne «Kassır».

Platformada aqparattyq tehnologııalar, ekologııa jáne eńbekti qorǵaý, týrızm, bıznes, energetıka, marketıng jáne menedjment, bilim berý jáne tárbıe salalarynda túrli kásipter boıynsha kásibı daǵdylardy damytý úshin tegin kýrstar sany únemi artyp keledi.