№28 Mánshúk Mámetova atyndaǵy lıtseıdiń áskerı dańq murajaıy qundy jádigerlermen tolyqty
Onda maıdangerler bul qasiretti soǵystyń bastalýy týraly habardy estigen kezdegi estelikterimen bólisip, maıdan shebinde júrip qaza bolǵan dostary men týystary týraly áńgimelep berdi. bul shara kezinde Uly Otan soǵysy kezindegi estelik eksponattar №28 Mánshúk Mámetova atyndaǵy lıtseıdiń áskerı dańq murajaıyna tapsyryldy.
Buǵan deıin qordyń qoldaýymen Mánshúk Mámetovanyń 90 jyldyǵyna oraılastyrylǵan patrıottyq aktsııa ótkizilgen bolatyn. Onda lıtseıdiń úzdik oqýshylary - «Ulan» izdestirý jasaǵynyń qatysýshylary S.Balǵymbaev, K.Ahmet, N.Qulahmet, E.Alamanov pen A.Husaıynova 28 mamyr men 1 maýsym aralyǵynda Reseıdiń Pskov oblysy Nevel qalasynda Keńes Odaǵynyń Batyry Mánshúk Mámetovanyń jerlengen jerde bolǵan edi. Ol qazaq halqynyń «Shyǵys juldyzy» atanǵan qaharman batyr qyzyn jáne Uly Otan soǵysynda qaza tapqan ózge de qazaqstandyqtardy eske alyp, óskeleń urpaqty otansúıgishtikke tárbıeleý maqsatynda júzege asyryldy. «Ulandyqtar» bul sapar kezinde Neveldegi M.Mámetova atyndaǵy mektepke baryp, batyrdyń eskertkishi men qaza tapqan jerine gúl shoqtaryn qoıdy. Endi Mánshúk Mámetovanyń qaza bolǵan jerinen tabylǵan Uly Otan soǵysy kezindegi Degtıarev pýlemetiniń jáne PPSh avtomatynyń dıskileri lıtseı murajaıynan oryn teppek.