28 mamyr kúni elimizde ótetin mańyzdy sharalar ańdatpasy
NUR-SULTAN
9.30-da «Hilton Astana» qonaq úıinde III Halyqaralyq energııany únemdeý forýmy ótedi.
11.00-de QR Bilim jáne ǵylym mınıstri Ashat Aımaǵambetovtiń halyq aldynda esep berý kezdesýi ótedi. Esep berý kezdesýi mınıstrliktiń jáne mınıstrdiń áleýmettik jelidegi resmı paraqshalarynda onlaın formatta júrgiziledi.
11.00-de Bilim berý protsesine jáne jumyspen qamtýǵa tartylmaǵan jastarmen (NEET sanaty) TEDx formatyndaǵy kezdesý ótedi. Kezdesý NEET sanatyndaǵy jastar arasynda qarym-qatynasty yntalandyrý jáne ıdeıalarmen bólisý maqsatynda elordanyń Ortalyq saıabaǵynda ashyq aspan astynda ótedi.
11.00-de «Jasyl oram» turǵyn úı keshende «Kıeli tabıǵat» ǵylymı-bilim berý YouTube kanalynyń ashylýy ótedi.
11.00-de QR Básekelestikti qorǵaý jáne damytý agenttigi «QazAqparat» HAA alańynda bastapqy turǵyn úı naryǵyndaǵy básekelestik taqyrybynda Open Space ótkizedi.
11.00-de QR Parlamenti Senatynda «Asharshylyq. Qujattyq hronıka. 1928-1934» kitabynyń tusaýkeseri ótedi.
11.00-de saıası qýǵyn-súrgin qurbandaryn eske alý kúni qarsańynda QR Ulttyq akademııalyq kitaphanasynda Memleket jáne qoǵam qaıratkeri, saıası qýǵyn-súrgin qurbany Temirbek Júrgenovti eske alýǵa arnalǵan dóńgelek ústel ótedi.
12.00-de «Uly Dala Plaza» bıznes ortalyǵynda balalardy qorǵaý kúnine oraı QR balalaryna arnalǵan sporttyq jáne zamanaýı bıdi damytý boıynsha birinshi ortalyq – DAR DANCE CENTRE ashylady.
12.30-da QR Prezıdenti janyndaǵy Ortalyq kommýnıkatsııalar qyzmetinde «Qazaqstandaǵy kóktemgi egis naýqanynyń barysy jáne qarjylandyrý jumystary týraly» baspasóz máslıhaty ótedi. Spıkerler: QR Aýyl sharýashylyǵynyń birinshi vıtse-mınıstri Aıdarbek Saparov, «Azyq-túlik kelisim shart korporatsııasy» UK» AQ Basqarma tóraǵasy Qanat Qaraýylov, «Agrarlyq nesıelik korporatsııa» AQ Basqarma tóraǵasy Aıbolat Ábenov. Kórsetilim siltemeleri: youtube, facebook .
14.30-da QR Prezıdenti janyndaǵy Ortalyq kommýnıkatsııalar qyzmetinde «COVID-19 qarsy vaktsınatsııa: eń ózekti suraqtarǵa jaýaptar» atty baspasóz máslıhaty ótedi. Spıkerler: M.ǵ.d., professor, QR DSM Ulttyq ftızıopýlmonologııa ǵylymı ortalyǵy dırektorynyń klınıkalyq jáne ǵylymı jumystar jónindegi orynbasary Lázzat Eralıeva, QR DSM Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Aınagúl Qýatbaeva, «Pedıatrııa jáne balalar hırýrgııasy ǵylymı ortalyǵy» AQ tóraıymy QR Densaýlyq saqtaý mınıstrliginiń Bas pedıatry, medıtsına ǵylymdarynyń doktory Rıza Boranbaeva, «Ulttyq ǵylymı kardıohırýrgııalyq ortalyq» AQ basqarma tóraǵasy, QR Densaýlyq saqtaý mınıstrliginiń bas kardıology Mahabbat Bekbosynova, Medıtsına ǵylymdarynyń doktory, professor, Dárilik zattar men medıtsınalyq buıymdardy saraptaý ulttyq ortalyǵynyń sarapshysy, QR DSM Halyqty ımmýnızatsııalaý jónindegi ulttyq keńestik komıssııa múshesi Jannat Satybaldıeva, QR DSM «Qoǵamdyq densaýlyq saqtaý ulttyq ortalyǵy» ShJQ RMK Sanıtarııalyq-epıdemıologııalyq saraptama jáne monıtorıng ǵylymı praktıkalyq ortalyǵynyń dáriger-epıdemıology, sarapshy Lena Qasabekova, Ulttyq Bıotehnologııa ortalyǵynyń Bas dırektory Erlan Ramanqulov. Kórsetilim siltemeleri: youtube, facebook .
15.00-de «ALJIR» mýzeı-memorıaldyq kesheninde QR Aqparat jáne qoǵamdyq damý mınıstri Aıda Balaeva jas tarıhshylarmen kezdesý ótkizedi.
16.00-de QR Ulttyq mýzeıinde Táýelsizdiktiń 30 jyldyǵyna oraı «Ulyq Ulys» zalynyń saltanatty ashylý rásimi ótedi.
19.30-da «Astana Balet» horeograf Rıkardo Amaranteniń qoıylymyndaǵy «Longing» jáne «A Fuego Lento» bir aktili baletterin usynady.
ALMATY
11.00-de Іle-Alataý ulttyq parkiniń vızıt ortalyǵynda QR Ekologııa, geologııa jáne tabıǵı resýrstar mınıstrligi uıymdastyrǵan «Qazaqstannyń tumsa tabıǵaty» fotobaıqaýy jeńimpazdaryn marapattaý rásimi ótedi.
Marapattaý rásimine fotobaıqaý jeńimpazdarymen qatar qazylar alqasy músheleri, Ekologııa mınıstrliginiń ókilderi jáne National Geographic Qazaqstan jýrnalynyń redaktsııasy qatysady.