28 qyrkúıek kúni elordada ótetin mańyzdy is-sharalar ańdatpasy
9.00-de Nazarbaev ýnıversıtetinde Qazaqstandaǵy klımattyń ózgerýi boıynsha LCOY Kazakhstan 2023 - Jergilikti jastar konferentsııasy ótedi. Konferentsııany BUU Klımattyń ózgerýi jónindegi negizdemelik konventsııasynyń resmı jastar toby YOUNGO uıymdastyrady.
9.00-de Sheraton Astana qonaq úıinde QR Prezıdenti janyndaǵy Qazaqstannyń strategııalyq zertteýler ınstıtýty men QR Syrtqy ister mınıstrligi Túrki memleketteri uıymyna (TMU) múshe jáne baıqaýshy memleketterdiń resmı cyrtqy saıası zertteýler ortalyqtarynyń kezdesýin ótkizedi.
9.20-da №96 mektep-gımnazııada qazaq tilindegi ABLLS-R sóıleý jáne úırenýdiń negizgi daǵdylaryn baǵalaý quralynyń tusaýkeseri ótedi.
10.00-de QR Parlament Senatynyń otyrysy ótedi. Kún tártibine Parlament Májilisi qabyldaǵan «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Qazaqstan-Ózbekstan kedendik shekarasy arqyly qubyrjol kóligimen jáne elektr berý jelileri boıynsha energııa resýrstaryn ótkizý kezindegi birlesken kedendik baqylaý týraly kelisimdi ratıfıkatsııalaý týraly» Zań usynylady.
11.00-de Azamattyq bastamalardy qoldaý ortalyǵynda ózge etnos ókilderiniń jastary arasynda «Elim degender» atty respýblıkalyq baıqaý jóninde brıfıng ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «Digital Bridge 2023 halyqaralyq forýmy» ótedi. Spıkerler: QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń aqparattyq tehnologııalar salasyn damytý departamenti dırektory Ermanov Ersultan Ádiletuly; Astana Hub basqarýshy dırektory Abrahmanova Alına Baýyrjanqyzy. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
15.00-de Astana qalasy Kommýnıkatsııalar qyzmetinde «Elordanyń bilim berý uıymdarynda oqý protsesin uıymdastyrý máseleleri boıynsha» onlaın brıfıng ótedi. Spıker: Astana qalasy ákiminiń orynbasary Eset Baıken. Onlaın baspasóz konferentsııasy Astana qalasy kommýnıkatsııalar qyzmetiniń Facebook-tegi facebook.com/rsk.astana01 resmı paraqshasynda tikeleı efırde ótedi.
16.00-de «Transport Taýer» ǵımaratynda QR Kólik mınıstri Marat Qarabaevtyń qatysýymen «Respýblıkalyq mańyzdaǵy avtomobıl joldarynyń qysqy maýsymǵa daıyndyǵy» taqyrybynda brıfıng ótedi.
17.00-de «Astana Opera» teatrynda German Levenskoldtyń «Sılfıda» baletiniń premerasyna oraı baspasóz máslıhaty ótedi.
19.00-de Jas kórermender mýzykalyq drama teatrynda “CHANEL №5” dramasy qoıylady.