28 qarasha. Tulǵalar týǵan kún
74 jyl buryn (1949) saıası jáne qoǵam qaıratkeri Serik Shaıahmetuly AHYMBEKOV dúnıege keldi.
Almaty oblysy Kırov aýdany Muqyry aýylynda týǵan. Qazaq aýyl sharýashylyǵy ınstıtýtyn, Almaty joǵary partııa mektebin bitirgen, ǵalym-agronom.
Eńbek joly: 1973-1974 jyldary Taldyqorǵan qyzylsha sovhozynyń agronomy, 1974-1976 jyldary Qazaqstan komsomoly Kırov aýdandyq komıtetiniń hatshysy, birinshi hatshysy, 1976-1981 jyldary Qazaqstan LKJO Taldyqorǵan oblystyq komıtetiniń birinshi hatshysy, 1981-1984 jyldary Qazaqstan Kompartııasy Gvardııa aýdandyq komıtetiniń ekinshi hatshysy, 1984-1986 jyldary Taldyqorǵan oblysy Gvardııa aýdandyq atqarý komıtetiniń tóraǵasy, 1986-1988 jyldary Qazaqstan Kompartııasy Kırov aýdandyq komıtetiniń birinshi hatshysy, 1988-1989 jyldary Qazaqstan Kompartııasy Ortalyq Komıtetiniń agrarlyq bólimi meńgerýshisiniń orynbasary, 1989-1991 jyldary Qazaqstan Kompartııasy Taldyqorǵan oblystyq komıtetiniń hatshysy, 1991-1992 jyldary Taldyqorǵan oblystyq atqarý komıteti tóraǵasynyń birinshi orynbasary, 1992-1993 jyldary QR Jer qatynastary jáne jerge ornalastyrý memlekettik komıtetiniń tóraǵasy, 1993-1995 jyldary Taldyqorǵan oblystyq ákimshiliginiń basshysy, 1995-1996 jyldary Taldyqorǵan oblysynyń ákimi, 1996-1998 jyldary QR Aýyl sharýashylyǵy mınıstri, 1998 jyly QR az qamtylǵan azamattardy qoldaý ulttyq qorynyń atqarýshy dırektory qyzmetterin atqardy.
«Qurmet belgisi», Qazaq KSR Joǵarǵy Keńesiniń Qurmet gramotasymen marapattalǵan.
64 jyl buryn (1959) «Mıngı Taý» qarashaı-balqar ulttyq mádenı ortalyǵynyń tóraǵasy Lıýdmıla Hısaevna HOChIEVA dúnıege keldi.
Almaty oblysy Shamalǵan aýylynda týǵan. Qyrǵyz memlekettik ulttyq ýnıversıtetin ekonomıst mamandyǵy boıynsha bitirgen, Qyrǵyz zań ýnıversıtetin zańger mamandyǵy boıynsha bitirgen.
Eńbek joly: 1988-1992 jyldary Shamalǵan sharap zaýytynda jumysshy, 1992 jyly «Azer ı K» ShK zańgeri, 1992-2004 jyldary «Azer LTD» zańgeri, bas esepshisi, bas dırektordyń orynbasary qyzmetin atqardy. 2004-2007 jyldary «BN Vınzavod» JShS bas dırektorynyń orynbasary, 2007 jyly «Azer ı K» sharýa qojalyǵynyń basshysy, 1996 jyldan «Mıngı Taý» qarashaı-balqar ulttyq mádenı ortalyǵynyń tóraǵasy. 2007-2011 jyldary Urpaqtar birligi men sabaqtastyǵy jylyn ótkizý jónindegi respýblıkalyq komıssııanyń múshesi, Qazaqstan halqy Assambleıasy Keńesiniń, Almaty oblysy Qazaqstan halyqtary Kishi Assambleıasynyń múshesi, IV saılanǵan QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi.
«Qurmet» ordenimen, «Astana», «Qazaqstan Respýblıkasyna 10 jyl», «Qazaqstannyń Konstıtýtsııasyna 10 jyl», medaldarymen, «Qazaqstan halqynyń birligin, beıbitshilik pen kelisimdi nyǵaıtýǵa qosqan úlesi úshin» qurmet gramotasymen marapattalǵan.
51 jyl buryn (1972) saıası qaıratker, Agrarlyq máseleler jónindegi komıtettiń múshesi Aıqyn Oıratuly QOŃYROV dúnıege keldi.
Burynǵy Kókshetaý oblysy Kýıbyshev qala úlgisindegi kentinde týǵan. Kókshetaý memlekettik ýnıversıtetin, «Femıda» Qaraǵandy zań akademııasyn bitirgen.
Eńbek jolyn 1989 jyly Kýıbyshev aýdandyq aýyl sharýashylyǵy basqarmasynyń avtobazasynda slesar bolyp bastaǵan. 1997 jyldan bastap kásipkerlik qyzmetpen aınalysqan. 2004-2011 jyldary - «News Print» JShS jetekshisi («Moskovskıı komsomolets v Kazahstane» gazetin shyǵarý). 2005-2006 jyldary - Almaty qalalyq komıtetiniń ekinshi hatshysy. Partııany tirkegen mezgilden bastap qazirgi ýaqytqa deıin QKHP Ortalyq komıteti apparatynyń jetekshisi. 2007 jyly QKHP Ortalyq komıteti Bıýrosynyń múshesi. 2004, 2007 jyldary QR Parlamenti Májilisi depýtattarynyń saılaýyna QKHP atynan depýtattyqqa kandıdat bolyp qatysty. 2007 jáne 2011 jyldary QKHP respýblıkalyq saılaýaldy shtaby jetekshisiniń orynbasary qyzmetin atqardy. 2012-2016 jyldary - QR Parlamenti Májilisiniń VI shaqyrylym depýtaty, Agrarlyq máseleler jónindegi komıtettiń múshesi, 2021-2023 jyldary QR Parlamenti Májilisiniń VII depýtaty, Agrarlyq máseleler jónindegi komıtettiń múshesi.
42 jyl buryn (1981) QR Parlamenti Májilisiniń VIII saılanǵan depýtaty, Áleýmettik-mádenı damý komıtetiniń múshesi Tańsáýle Ǵabdymanapuly SERІKOV dúnıege keldi.
Qaraǵandy oblysy Nurataldy aýylynda týǵan. 2003 jyly Almaty energetıka jáne baılanys ınstıtýtyn, avtomatty elektr baılanysy mamandyǵy boıynsha, 2005 jyly Qaraǵandy qarjy ınstıtýtyn ekonomıka mamandyǵy boıynsha, 2014 jyly Qaraǵandy memlekettik tehnıkalyq ýnıversıtetin bitirgen.
Eńbek joly: 2003-2015 jyldary ınjener, joǵary sanatty ınjener, bas ınjener, «Qazaqtelekom» AQ fılıaly Qaraǵandy oblystyq telekommýnıkatsııalar dırektsııasynyń tseh bastyǵy, 2022 jyly QR Ǵylym jáne joǵary bilim mınıstriniń ınklıýzıvti bilim berý máseleleri jónindegi shtattan tys keńesshisi qyzmetin atqardy.
2023 jyldyń naýryz aıynan bastap qazirgi qyzmetinde.
Jas ǵalymdarǵa arnalǵan akademık A. Saǵynov atyndaǵy medalmen, múmkindigi shekteýli jandarǵa arnalǵan «Belsendi eńbegi úshin» halyqaralyq «JanDos» qoǵamdyq syılyǵynyń laýreaty, «Múmkindigi shekteýli jandardyń ǵylymdy, bilim berý qyzmetin, bilimge degen umtylysyn damytýǵa qosqan úlesi úshin» nomınatsııasy boıynsha «Jan Shýaq» halyqaralyq qoǵamdyq syılyǵynyń laýreaty, QR JOO úzdik oqytýshysy.
41 jyl buryn (1982) «Samuryq-Qazyna» AQ quqyqtyq qamtamasyz etý, qaýipsizdik jáne táýekelder jónindegi basqarýshy dırektory Nıkolaı ıÝrevıch KAZÝTIN dúnıege keldi.
Almaty qalasynda týǵan.
Eńbek joly: 2001 jyly Almaty qalasyndaǵy «Óndiristik saqtandyrý toby» AAQ fılıaldarynyń saqtandyrý jáne býhgalterııa mamany, 2003-2005 jyldary «Amanat Insurance» saqtandyrý kompanııasy» AQ qarjylyq taldaýshysy, 2005-2006 jyldary «Kazınterpolıs saqtandyrý brokeri» JShS qarjylyq taldaýshysy, 2006-2016 jyldary «Praısýoterhaýskýpers Taks End Edvaızorı» JShS departamentiniń aǵa menedjeri, 2016-2018 jyldary «Kókshetaý mıneraldy sýlary» AQ keńesshisi, 2018-2019 jyldary «Shyǵys Qazaqstan óńirlik energetıkalyq kompanııasy» AQ Іshki aýdıt qyzmetiniń basshysy, 2020 jyly QR Qarjy mınıstrligi Memlekettik kirister komıteti tóraǵasynyń orynbasary qyzmetin atqardy.
88 jyl buryn (1935-1983) Qazaqstan Respýblıkasy Memlekettik ánuranynyń (mátini) avtory, kórnekti aqyn, aýdarmashy, Qazaqstan Jastar odaǵy syılyǵynyń ıegeri Jumeken Sabyruly NÁJІMEDENOV dúnıege kelgen.
Atyraý oblysy Qurmanǵazy aýdanynda týǵan. Qurmanǵazy atyndaǵy Almaty konservatorııasynyń ult aspaptary fakýltetin, M. Gorkıı atyndaǵy Ádebıet ınstıtýty janyndaǵy Joǵary kýrsty bitirgen.
1959-1965 jyldary – «Jazýshy» baspasynyń kishi redaktory, 1965-1966 jyldary – respýblıkalyq «Lenınshil jas» gazetinde ádebıet jáne óner bóliminiń meńgerýshisi. 1966-1971 jyldary – Qazaqstan Jazýshylar odaǵynda ádebı keńesshi. 1974-1978 jyldary Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń redaktory, 1978-1983 jyldary «Mektep» baspasynda redaktsııa meńgerýshisi qyzmetterin atqarǵan.
Tuńǵysh kitaby «Balaýsa» degen atpen 1961 jyly jaryq kórdi. 60-jyldardan bastap óleńderi men shyǵarmalary, úsh romany, aýdarma kitaptary «Jazýshy», «Jalyn» baspalarynan jaryq kórgen. «Balaýsa», «Sybyzǵy syry», «Joq, umytýǵa bolmaıdy», «Kúı kitaby», «Mezgil áýenderi», «Ulym, saǵan aıtam», «Qyzǵaldaq jaıly ballada», «Temirqazyq», «Meniń topyraǵym» kitaptary, úsh tomdyq shyǵarmalar jınaǵy, «Men – tamyrmyn» dastandary, «Qasiret pen qaısarlyq», «Jumeken», «Jańǵyryq», «Jaryq pen jylý», «Vesennıe vetry», «Men týǵan kún», «Jeti boıaý», «Shýaq», «Ashyq aspan», «Qyran qııa», «Tebe govorıý, potomok» tolǵaý, poemalary men jyrlary, «Aq shaǵyl», «Kishkentaı», «Dańq pen daqpyrt» atty romandarynyń avtory. 1967 jyly «Joq, umytýǵa bolmaıdy!» atty poemasy úshin Qazaqstan Lenın komsomoly syılyǵynyń laýreaty atandy. Aqyn jyrlary birneshe shet el tilderine aýdarylǵan. «Meniń Qazaqstanym» óleńi 2005 jyly ánuran sózi bolyp bekitildi. Aqynnyń esimi óziniń týǵan jeri Atyraý oblysy Qurmanǵazy aýdanyndaǵy aýylǵa berilgen.