28 qańtar. Tulǵalar týǵan kún

ASTANA. QazAqparat – Búgin, ıaǵnı 28 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

68 jyl buryn (1955) kórnekti memleket qaıratkeri Rashıd Tóleýtaıuly TÚSІPBEKOV dúnıege keldi.

Shymkent qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen.

Qaraǵandy qalasynyń aýdandyq halyq sotynda 1981 jyly qarasha aıynda halyq sýdıasy bolyp taǵaıyndaldy. 1984-1999 jyldary – Qaraǵandy oblysy Nura aýdandyq soty tóraǵasy, Qaraǵandy oblysy sotynyń tóraǵasy. 1999 jyldyń sáýir aıynan Qazaqstan Respýblıkasynyń Joǵarǵy Soty qylmystyq ister jónindegi sot alqasynyń tóraǵalyǵyna taǵaıyndaldy. Qazaqstan Respýblıkasynyń Joǵarǵy Soty tóraǵasy mindetin atqardy. 2000 jyldyń qazan aıynan jeltoqsan aıyna deıin Qazaqstan Respýblıkasynyń Joǵarǵy Soty janyndaǵy Sot ákimshiligi jónindegi komıtettiń tóraǵasy boldy. 2000-2009 jyldary – Qazaqstan Respýblıkasynyń Bas prokýrory. 2009-2012 jyldary – QR Ádilet mınıstri. 2012-2014 jyldary – QR Ekonomıkalyq qylmyspen jáne sybaılas jemqorlyqpen kúres agenttiginiń tóraǵasy. 2014 jylǵy tamyzdan – QR Joǵary sot keńesiniń tóraǵasy. 2015-2019 jyldar aralyǵynda – Senat depýtaty.

2 dárejeli «Barys» ordenimen, Qazaqstan Respýblıkasy Prezıdentiniń alǵys hatymen marapattalǵan.

57 jyl buryn (1966) «Samruk-Kazyna Construction» AQ Basqarma tóraǵasy

Máýlen Zarlyquly AIMANBETOVdúnıege keldi.

Almaty qalasynda dúnıege kelgen. Bilimi – joǵary. Igergen mamandyqtary – jol-qurylys ınjeneri, agronom, ekonomıst jáne iskerlik basqarý magıstri.

Eńbek jolyn 1990 jyly «Almatygorstroı» tresiniń 2-shi qurylys-montajdaý bóliminiń brıgadıri bolyp bastaǵan. Keıin osy bólimniń brıgadıri, bólim bastyǵynyń orynbasary bolyp jumys istedi. 2000-2006 jyldary – QR Aýyl sharýashylyǵy mınıstrligi «Fıtosanıtarlyq» RMK bas dırektory, Astana qalasy; 2006 jyldan 2008 jylǵa deıin QR Prezıdenti Іs basqarmasyna baǵynyshty uıymdarda túrli jaýapty qyzmetter atqardy; 2008-2013 jyldary Astana qalasy «Almaty» aýdany ákiminiń orynbasary boldy. Sonymen qatar ol Kókshetaý qalasy avtomobıl joldary komıtetiniń Aqmola oblysy avtomobıl joldary departamenti dırektorynyń orynbasary bolyp jumys istedi. 2014-2020 jyldary «Qazaqstan Respýblıkasy Prezıdentiniń Іs basqarmasy» MM Kúrdeli jóndeý qurylys bóliminiń basshysy bolǵan. Shymkent qalasy ákiminiń orynbasary (2020-2022).

Qazirgi qyzmetin 2022 jyldyń naýryzynan beri atqaryp keledi.

54 jyl buryn (1969) Qazaqstan Respýblıkasynyń memlekettik qaıratkeri Qaırat Nematuly KELІMBETOV dúnıege keldi.

Almaty qalasynda týǵan. M. Lomonosov atyndaǵy Máskeý memlekettik ýnıversıtetin, Qazaq memlekettik basqarý akademııasy janyndaǵy Naryq ınstıtýtyn, Djordjtaýn ýnıversıtetiniń (AQSh, Vashıngton) arnaýly baǵdarlamasyn bitirgen.

1996-1997 jyldary – Qazaqstan Respýblıkasy Prezıdenti janyndaǵy Joǵary ekonomıkalyq keńes hatshylyǵynyń aǵa sarapshysy, Qazaqstan Respýblıkasy Strategııalyq josparlaý agenttiginiń departament dırektorynyń orynbasary, dırektory. 1997-1998 jyldary – Qazaqstan Respýblıkasy Strategııalyq josparlaý jáne reforma agenttiginiń departament dırektorynyń orynbasary. 1998-1999 jyldary – Qazaqstan Respýblıkasy Prezıdenti Ákimshiliginiń bólim meńgerýshisi. 1999-2001 jyldary – Qazaqstan Respýblıkasy Strategııalyq josparlaý agenttiginiń tóraǵasy, Qazaqstan Respýblıkasynyń birinshi qarjy vıtse-mınıstri. 2001-2002 jyldary – Qazaqstan Respýblıkasynyń birinshi qarjy vıtse-mınıstri. 2002-2006 jyldary – Qazaqstan Respýblıkasynyń Ekonomıka jáne bıýdjettik josparlaý mınıstri. 2006-2008 jyldary – «Qazyna» ornyqty damý qory» aktsıonerlik qoǵamynyń basqarma tóraǵasy. 2008 jyly qańtardyń 23-inde Memleket basshysynyń Jarlyǵymen Qazaqstan Respýblıkasy Prezıdenti Ákimshiliginiń basshysy bolyp taǵaıyndaldy. 2008 jylǵy qazannyń 13-inen – «Samuryq-Qazyna» Ulttyq ál-aýqat qory» AQ basqarma tóraǵasy. 2011 jylǵy sáýirden – QR Ekonomıka jáne saýda mınıstri. 2012 jylǵy 20 qańtarda Memleket basshysynyń Jarlyǵymen QR Premer-Mınıstriniń orynbasary qyzmetine taǵaıyndaldy. 2013 jyldyń qazanynan QR Ulttyq Bankiniń tóraǵasy qyzmetin atqardy. 2015 jylǵy jeltoqsan aıynan bastap – «Astana» Halyqaralyq qarjy ortalyǵynyń jetekshisi. 2020-2022 jyldary – Qazaqstan Respýblıkasy Strategııalyq josparlaý jáne reformalar agenttiginiń tóraǵasy.

«Qurmet» ordenimen (2005); «Parasat» ordenimen (2010) marapattalǵan.

52 jyl buryn (1971) QR Parlament Senatynyń Tóraǵasy Máýlen Saǵathanuly ÁShІMBAEVdúnıege keldi.

Almaty qalasynda týǵan. Ál-Farabı atyndaǵy Qazaq Memlekettik Ulttyq ýnıversıtetin bitirgen. Saıası ǵylymdar kandıdaty.

Ýnıversıtetti bitirgennen soń 1993-1994 jyldary Baspasóz jáne buqaralyq aqparat mınıstrligi júıesinde jumys istedi. 1994-1995 jyldary – Qazaqstan Respýblıkasy Joǵarǵy Keńes depýtatynyń kómekshisi. 1995 jylǵy maýsym-qarasha aralyǵynda – Qaýipsizdik keńesi apparatynyń konsýltanty. 1995-1999 jyldar aralyǵynda – Qazaqstan Respýblıkasy Prezıdenti Ákimshiligi Saraptaý jáne strategııalyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary. 1999-2000 jyldary – Qaýipsizdik keńesi Saraptaý ortalyǵynyń meńgerýshisi. 2000-2002 jyldary – Qaýipsizdik keńesi Saraptaý ortalyǵynyń meńgerýshisi – Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2002-2005 jyldary – Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory. 2005-2006 jyldary – Qazaqstan Respýblıkasy Qaýipsizdik keńesi hatshysynyń orynbasary. Qazaqstan Respýblıkasy Prezıdenti Ákimshiligi Basshysynyń orynbasary (2006-2011); V saılanǵan Qazaqstan Respýblıkasy Parlamenti Májilisiniń depýtaty (2012-2016); VІ saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy (2016-2018). «Nur Otan» partııasy Tóraǵasynyń birinshi orynbasary (2018-2019); QR Prezıdentiniń kómekshisi (07.2019-12.2019). QR Prezıdenti Ákimshiligi jetekshisiniń birinshi orynbasary (2019-2020).

Qazirgi qyzmetinde 2020 jyldyń mamyr aıynan beri.

«Qurmet» ordenimen (12.2007); «10 jyl Astana» medalimen (2008); Qazaqstan Respýblıkasynyń Qurmet gramotasymen (2001) marapattalǵan.

44 jyl buryn (1979) Atyraý oblysynyń prokýrory Baýyrjan Albertuly JUMAQANOVdúnıege keldi.

Aqtóbe oblysynda dúnıege kelgen. Ál-Farabı atyndaǵy Qazaq ulttyq ýnıversıtetin «quqyqtaný» mamandyǵy boıynsha aıaqtaǵan.

Eńbek jolyn 2003 jyly Qandyaǵash kólik prokýrorynyń kómekshisi qyzmetinen bastaǵan. Qandyaǵash, Aqtóbe kólik prokýrorlarynyń aǵa kómekshisi, Batys aımaǵynyń kólik prokýratýrasynyń prokýrory, aǵa prokýrory, basqarma aǵa prokýrory, Aqtóbe oblysy prokýratýrasynyń basqarma aǵa prokýrory, Almaty qalasy Bostandyq aýdany prokýrorynyń orynbasary jáne prokýrory, Bas prokýratýranyń Arnaıy prokýrorlar qyzmetiniń asa mańyzdy qylmystyq isterdi tergeý basqarmasyndaǵy Bas prokýrordyń kómekshisi, Arnaıy prokýrorlar qyzmetiniń Baqylaý-ádistemelik basqarmasyndaǵy Bas Prokýrordyń kómekshisi qyzmetterin atqarǵan. 2019-2022 jj. – Atyraý oblysy prokýrorynyń orynbasary.

Qazirgi qyzmetin 2022 jyldyń shilde aıynan beri atqaryp keledi.