28 qańtar men 9 aqpan aralyǵynda Almaty garnızonynyń mindeti kúsheıtiledi
«Qoǵamdyq tynyshtyqty saqtaýǵa barlyǵy 7 700 ishk ister organdarynyń qyzmetkeri tartylady. Olardyń 5 300-i Almaty jáne Almaty oblysy ІІD-niń qyzmetkerleri bolsa, Ulttyq ulannan 1 myń jaýynger, Qorǵanys mınıstrliginen 1 myń sarbaz sapta turady. Sondaı-aq, ózge aımaqtyq Іshki ister departamentterinen 150 qyzmetker jumyldyrylady», - dedi QR ІІM orynbasary Erlan Turǵymbaev QR Premer-mınıstriniń birinshi orynbasary Asqar Mamın ótkizgen keńeste.
Budan bólek, tekserý, baqylaý oryndarynda ıisshil ıttermen 46 kınolog pen 16 jarylǵysh tehnıkteri jumys atqarady. Odan bólek, Ýnıversıada nysandarynda metall anyqtaý detektorlary qoıylǵan 96 arna júıesi bolady. Ýnıversıada nysandarynda kedergi 100 beton blok qoıylsa, eki myńǵa jýyq beınebaqylaý kameralary úzdiksiz jumys isteıtin bolady.
«28 qańtar men 9 aqpan aralyǵynda Almaty jáne Almaty oblystarynyń ІІD-leri, Tótenshe jaǵdaılar departamentteri, Ulttyq ulannyń aımaqtyq quramy kúsheıtilgen túrde qyzmet atqarady», - dedi mınıstrdiń orynbasary.
Eske sala keteıik, búgin Qazaqstan Premer-Mınıstriniń birinshi orynbasary Asqar Mamın Ýnıversıada nysandary: «Halyq arena», sport kesheni, «Suńqar» shańǵy tramplıni, «Almaty arena» sport kesheni jáne Atletıka aýylynyń daıyndyǵyn tekserdi.