«Ulttyq aqparattyq tehnologııalar» AQ baspasóz qyzmetiniń habarlaýynsha, muny eGov.kz portaly jáne eGov Mobile qosymshasy arqyly onlaın rejımde jasaýǵa bolady.
Deklaratsııany memlekettik qyzmetshiler, bıýdjettik uıymdar men kvazımemlekettik sektordyń qyzmetkerleri, sondaı-aq olardyń jubaılary tapsyrýǵa mindetti. Eseptilik aktıvter men mindettemeler týraly «kiris» deklaratsııasy (250.00-nysan) tapsyrylǵannan keıin usynylady.
270.00 nysany kiris týraly aqparatty, sondaı-aq sheteldegi múlik: jyljymaıtyn múlik, kólikter, baǵaly qaǵazdar, tsıfrlyq aktıvter, ınvestıtsııalyq altyn jáne sheteldik kompanııalardaǵy úlester týraly málimetterdi qamtıdy. Sondaı-aq, sybaılas jemqorlyqqa qarsy zańnama sheńberinde iri satyp alýlar men shyǵynstardy jabý kózderi týraly málimetter kórsetiledi.
Qyzmetti eGov.kz portalynda paıdalaný úshin paıdalanýshyǵa:
portalǵa avtorızatsııalanyp, «Azamattarǵa» - «Keden jáne salyqtar» - «Salyq salý» bólimine ótý qajet;
«Jeke tulǵanyń kiristeri men múlki týraly deklaratsııany qabyldaý (270.00- nysan)» qyzmetin tańdańyz jáne qajetti derekterdi toltyryńyz.
memlekettik kiris organyn kórsetińiz.
qoljetimdi qol qoıý ádisteriniń biri arqyly qyzmetke qol qoıyńyz;
«Qyzmetterdi alý tarıhy» bóliminen ózińizdiń jeke kabınetińizdegi óńdeý mártebesin qarap tekserińiz.
Qyzmetti eGov Mobile mobıldi qosymshasynda paıdalaný úshin paıdalanýshy:
eGov mobıldi qosymshasyna avtorızatsııalaýdy jasap, «Qyzmetter» bóliminde «Salyq jáne qarjy» bólimine ótýi qajet;
«Jeke tulǵanyń kiristeri men múlki týraly deklaratsııany qabyldaý (270.00-nysan)» qyzmetin tańdap, qajetti derekter nysanyn toltyryńyz;
memlekettik kiris organyn kórsetińiz;
qoljetimdi qol qoıý ádisteriniń biri arqyly qyzmetke qol qoıyńyz;
«Qyzmetterdi alý tarıhy» bólimindegi jeke kabınetińizdegi óńdeý mártebesin tekserińiz.
Sondaı-aq, deklaratsııany kgd.gov.kz portalynda jáne eSalyq Azamat mobıldi qosymshasynda «Salyq tóleýshi kabıneti» arqyly tapsyrýǵa bolady.
- Kórsetiletin qyzmet Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik qyzmetter komıtetiniń, «Ulttyq aqparattyq tehnologııalar» AQ jáne QR Qarjy mınıstrliginiń birlesken jumysynyń arqasynda iske asyryldy, - delingen habarlamada.
Osyǵan deıin Salyq Kodeksiniń jańa nusqasy týraly pikir bildirgen mınıstrlik ókili 8 mln adamnyń deklaratsııa tapsyrmaıtynyn aıtqan bolatyn.