27 tamyz. Tulǵalar týǵan kún

ASTANA. QazAqparat – Búgin, 27 tamyz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

1 20 jyl buryn (1903-1993) teatr rejısseri, opera rejısseri bolǵan álemdegi tuńǵysh áıel, jazýshy, dramatýrg, pedagog Natalııa Ilınıchna SATs dúnıege kelgen.

Irkýtskide týǵan. Bala kúninen mýzykaǵa degen erekshe yqylasy tanyldy.

Ákesi dúnıe salǵan soń, Natalııa jaz shyqty degenshe Qyrymǵa, ákesi jumys istegen MHAT trýppasyna tıesili jerge baratyn. 1914 jyldyń jazynda Vahtangovpen birge Moskvınge arnalǵan komedııalyq kórinistiń stsenarıin jazyp, qoıady.

Máskeýge kelgen soń, teatrǵa shyndap den qoıyp, Grıboedov atyndaǵy jastar teatr stýdııasynda oınaıdy.

1937 jyldyń kúzinde Natalııa Sats «Otanyn satqandar otbasynyń múshesi» babymen ustaldy (kúıeýi I.ıA. Veıtser náýbetke ushyraǵan). Lagerde bes jyl júrip, 1942 jyly bosatyldy. Máskeýge qaıtýǵa ruqsat berilmegen soń, Almatyǵa ketedi. Sol jerde Sats 1945 jyly Qazaqstanda alǵash ret jas kórermen teatryn qurdy ári sol teatrdy 13 jyl basqardy.

A. Tolstoıdyń «Altyn kilt», Ý. Shekspırdiń «On ekinshi tún», «Eki qarǵa» pesalaryn qoıdy. Qazaq opera jáne balet teatrynda Dj. Pýchchınıdiń «Chıo-Chıo-San» operalyq spektaklin sahnalady. Balalarǵa arnalǵan operalar men baletterdiń lıbrettosyn, «Ómirimniń novellasy» kitabyn jazdy.

1995 jyly Almatydaǵy Orys memlekettik balalar jáne jasóspirimder akademııalyq teatryna N. Satstyń esimi berildi.

9 8 jyl buryn (1925-2009) músinshi, ulttyq kásibı músin óneriniń negizin salýshylardyń biri, Memlekettik syılyqtyń laýreaty, Qazaqstannyń halyq sýretshisi, Qazaqstannyń óner qaıratkeri, SSSR Sýretshiler odaǵy men Qazaqstan Sýretshiler Odaǵynyń múshesi Hakimjan Esimhanuly NAÝRYZBAEV dúnıege keldi.

Qostanaı oblysynyń Meńdiqara aýdanynda týǵan. Harkov kórkemsýret ınstıtýtyn bitirgen. 1952-1954 jyldary - Qazaqstan Sýretshiler odaǵy basqarmasynyń tóraǵasy. 1961-1965 jyldary - Lenındik syılyq jónindegi komıtettiń múshesi. 1959-1965 jyldary - SSSR Sýretshiler odaǵy basqarmasynyń múshesi. 1952-1966 jyldary Almaty kórkemóner ýchılışesinde oqytýshy bolǵan. Abaı, Shoqan Ýálıhanov, Jambyl Jabaev, Mánshúk Mámetova, Ahmet Baıtursynov pen Mirjaqyp Dýlatov eskertkishiniń avtory. «Amangeldi Imanov», «Qurmanǵazy», «M.Hakimjanova», «Sáken Seıfýllın», «Shoqan Ýálıhanov» atty eskertkishterinde proportsııa, rıtm zańdylyqtaryn, tıimdi paıdalaný arqyly obrazdardy shynaıy keskinderdi ári ulttyq kolorıtke jiti nazar aýdardy. Qazaqstan Respýblıkasynyń Memlekettik óner murajaıynda, sondaı-aq Q.Sátbaev, Y.Jaqaev, A.Jubanov, T.Tájibaev, J.Saın, D.Nurpeıisova, T.Jarokov, H.Esenjanov, M.Áýezov, S.Muqanov, Jambyl tulǵalaryn jasady. «Parasat», «Eńbek Qyzyl Tý», «Qurmet belgisi» ordenderimen jáne medaldarmen marapattalǵan.

5 9 jyl buryn (1964) QR Japonııadaǵy Tótenshe jáne Ókiletti Elshisi Sabyr Saılaýbekuly ESІMBEKOV dúnıege keldi.

Almaty qalasynda týǵan. KSRO SІM Máskeý memlekettik halyqaralyq qatynastar ınstıtýtyn (1990), KSRO Ǵylym akademııasynyń Shyǵystaný ınstıtýty japondyq zertteý ortalyǵynyń aspırantýrasyn (1993), Iokogama memlekettik ýnıversıtetiniń aspırantýrasyn (1995) bitirgen. I synypty Keńesshi dıplomatııalyq dárejesi bar.

1995-2000 jyldary Qazaqstan Respýblıkasynyń Japonııadaǵy Elshiliginiń Ýaqytsha senimdi ókili, birinshi hatshysy. 2000-2001 jyldary «KazTransOıl» jabyq aktsıonerlik qoǵamy Bas dırektorynyń keńesshisi, Jobalardy basqarý departamentiniń dırektory. 2001-2002 jyldary «Munaı jáne gaz tasymaldaý» Ulttyq kompanııasy» jabyq aktsıonerlik qoǵamy Jańa jobalar departamentiniń dırektory. 2002-2003 jyldary «KazTransOıl» jabyq aktsıonerlik qoǵamy Damý jónindegi Bas dırektorynyń orynbasary. 2003-2006 jyldary «QazMunaıGaz» ulttyq kompanııasy» aktsıonerlik qoǵamy Kóliktik ınfraqurylymdar jáne servıstik jobalar jónindegi Atqarýshy dırektory. 2006-2007 jyldary «KazTransOıl» aktsıonerlik qoǵamy Tasymaldaý jónindegi Bas dırektorynyń orynbasary. 2007-2008 jyldary «VISOR Holding» kompanııasy Munaıgaz jobalary jónindegi Basqarýshy dırektory. 2008-2011 jyldary «Samuryq-Qazyna» UÁQ» aktsıonerlik qoǵamynyń atqarýshy dırektory, Investıtsııalyq jobalar departamentiniń dırektory. 2011-2012 jyldary «Samuryq-Qazyna» UÁQ» aktsıonerlik qoǵamynyń atqarýshy dırektory. 2012-2014 jyldary Qazaqstan Saýda-ónerkásip palatasynyń prezıdenti. 2014-2015 jyldary Qazaqstan Respýblıkasy Ulttyq kásipkerler palatasynyń Halyqaralyq yntymaqtastyq máseleleri jónindegi atqarýshy hatshysy. 2015-2021 jyldary «ALMEKS» Holdıngtik toby» aktsıonerlik qoǵamy Basqarý tóraǵasynyń orynbasary, 2011 jyldan beri Qazaqstan-Japonııa Іskerlik Keńesiniń Tóraǵasy.

2021 jyldyń maýsym aıynan bastap qazirgi qyzmetinde.

4 9 jyl buryn (1974) Qazaqstan Respýblıkasynyń Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Mıhaılovıch MALAHOV dúnıege keldi.

Aqmola oblysynyń Kókshetaý qalasynda týǵan. Qazaqstan Respýblıkasy Іshki ister mınıstrliginiń Almaty joǵary mektebin (1995), T. Rysqulov atyndaǵy Ekonomıka jáne qarjy ýnıversıtetin (2005) bitirgen.

Іshki ister organdarynda, qarjy polıtsııasynda, sybaılas jemqorlyqqa qarsy qyzmette jáne ekonomıkalyq tergeý qyzmetinde jumys istegen.

Іshki ister mınıstrliginiń tergeýshisinen Qarjy polıtsııasynyń oblystyq jáne ortalyq apparaty men Sybaılas jemqorlyqqa qarsy is-qımyl ulttyq bıýrosy basqarmalary bastyǵynyń orynbasaryna deıingi eńbek jolyn ótti.

Sybaılas jemqorlyqqa qarsy qyzmetke kelgenge deıin Qazaqstan Respýblıkasy Qarjy mınıstrligi Qarjy monıtorıngi komıtetiniń Jedel departamentiniń basshysy qyzmetin atqarǵan.

2022 jyldyń naýryz aıynan beri qazirgi qyzmetinde.

ІІ dárejeli «Aıbyn» ordenimen, mereıtoılyq jáne vedomstvolyq nagradalarmen marapattalǵan

3 8 jyl buryn (1985) «Ulttyq kınematografııany qoldaýdyń memlekettik ortalyǵy» KEAQ basqarma tóraǵasy Qurmanbek Jumaǵalıuly J UMAǴALI dúnıege keldi.

Abaı atyndaǵy Qazaq ulttyq pedagogıkalyq ýnıversıtetiniń jýrnalıstıka mamandyǵynda oqyǵan (2008).

2004-2007 jyldar aralyǵynda – «Qazaqstan» RTRK» AQ-da baǵdarlamalardyń redaktor - júrgizýshisi; 2007-2013 jyldary «Qazaqstan» RTRK» AQ Aqparattyq baǵdarlamalar dırektsııasynyń prodıýseri, «Habar» agenttigi» AQ qorytyndy jańalyqtar júrgizýshisi; 2013-2014 jyldar aralyǵynda Qaraǵandy oblysy ákimdigi baspasóz qyzmetiniń basshysy, Qaraǵandy oblysy ákiminiń keńesshisi; 2014-2015 jyldary «Qazaqstan» RTRK» AQ Aqparattyq-saraptamalyq baǵdarlamalar dırektsııasynyń dırektory, «Senbilik kezdesý» tok-shoýynyń júrgizýshisi; 2015 jyly «Qazaqstan» RTRK» AQ Aımaqtyq damytý dırektsııasynyń dırektory; 2017 jyly «Almaty» telearnasy Bas dırektorynyń birinshi orynbasary qyzmetterin atqarǵan. 2017-2018 jyldary - Mańǵystaý oblysy ishki saıasat basqarmasynyń basshysy. 2018-2019 jyldary - «Qazaq radıolary» JShS dırektory boldy. 2019 jyldyń 10 maýsymynan bastap «Qazaqstan «RTRK«AQ Basqarma tóraǵasynyń birinshi orynbasary. 2019-2021 jyldary «Astana» telearnasynyń bas dırektory bolǵan. 2021-2023 jyldary «31 arna» telearnasynyń bas dırektory.

2023 jyldyń shilde aıynan bastap qazirgi qyzmetinde.

34 jyl buryn (1989) Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary Oljas Muhtaruly SMAǴULOV dúnıege keldi.

Almaty qalasynda týǵan. Amerıka Qurlyqaralyq ýnıversıtetin, Los-Andjeles, AQSh (2009), Pomonadaǵy Kalıfornııa memlekettik polıtehnıkalyq ýnıversıtetin (2012), Jáńgir han atyndaǵy Batys Qazaqstan agrarlyq-tehnıkalyq ýnıversıtetin bitirgen (2013), London ekonomıka jáne saıasattaný mektebi, London, Ulybrıtanııa (2014).

Eńbek joly: Atyraý oblysy ákimi apparatynyń uıymdastyrý-ınspektorlyq jáne aqparattyq-taldaý bóliminiń bas mamany; ındýstrııalyq-ınnovatsııalyq bóliminiń bas mamany m.a. Atyraý oblysynyń kásipkerlik jáne ındýstrıaldy-ınnovatsııalyq damý basqarmasy basshysynyń orynbasary; Atyraý oblysynyń kásipkerlik jáne ındýstrıaldy-ınnovatsııalyq damý basqarmasy basshysynyń orynbasary; Qazaqstan Respýblıkasy Premer-Mınıstri Keńsesiniń áleýmettik-ekonomıkalyq bóliminiń bas sarapshysy; Aqtóbe oblysy ákimi apparaty basshysynyń orynbasary (01.10.2015); Aqtóbe oblysynyń ekonomıka jáne bıýdjettik josparlaý basqarmasynyń basshysy (04.2017-07.2018); Aqtóbe oblysy ákiminiń orynbasary (07.2018-11.2019); Qazaqstan Respýblıkasy Premer-Mınıstri Keńsesi Basshysynyń orynbasary (11.2019-2021); Qazaqstan Respýblıkasy Premer-Mınıstriniń keńesshisi (2021).

2021 jyldan beri qazirgi qyzmetinde.