27 shilde. Jylnama
ESTE QALAR OQIǴALAR
2007 jyly Almatyda «Ómir alleıasy» saltanatty túrde ashyldy. Alleıada ómirdi beıneleıtin, tumsyǵymen balany alyp ushyp bara jatqan qutannyń músini turǵyzylǵan. Bul beıneleý ómirde úlken aýyrtpalyq kórip, taǵdyrdyń tálkegine túsken jandarǵa arnalǵan.
2011 jyly «QazMunaıgaz» ulttyq kompanııasy koreıalyq Konsortsıýmmen birlesip, teńiz burǵylaý qondyrǵysyn salýǵa kiristi. Saltanatty rásim Mańǵystaý oblysy Quryq kentinde ótti.
2011 jyly Varshavada «Qobylandy batyr» eposy polıak tilinde jaryqqa shyqty. Bul – Polshadaǵy QR dıplomatııalyq ókildiginiń 9-shy basylymy.
2012 jyly elordalyq jas ánshi Nurbol Balapanov Ýfa qalasynda ótken Halyqaralyq «Ýral mońo-2012» túrki jastary festıvalinde gran-prı jeńip aldy. Nurbol Balapanov – Semeı qalasynyń týmasy, Astana qalasyndaǵy Qazaq ulttyq óner ýnıversıtetiniń stýdenti.
2012 jyly QR Ulttyq banki «Respýblıkanyń ıgiligi» serııasynan nomınaly 500 teńgelik «Baıqońyr» estelik monetasyn jáne «Banknottaǵy portretter» serııasynan nomınaly 500 teńgelik «Súıinbaı» altyn monetasyn aınalymǵa shyǵardy.
2014 jyly OQO memlekettik pedagogıkalyq ýnıversıtetiniń arheologtar toby Ordabasy aýdanynda Kúltóbe qorymynan 2000 jyl burynǵy Qańly memleketiniń 12 turǵynynyń máıitin, turmys zattaryn, baǵaly áshekeılerin tapty.
2016 jyly Qazaqstan monopolııaǵa qarsy organy Ekonomıkalyq yntymaqtastyq jáne damý uıymynyń básekelestik jónindegi komıtetine múshe retinde qabyldandy.
2017 jyly mektepti 12 jasynda bitirip, UBT-dan 117 ball jınaǵan almatylyq výnderkınd Abzal Myrzash Qazaqstan-Brıtan tehnıkalyq ýnıversıtetinen grant aldy. Qazaqstannyń 4 jetekshi bilim oshaǵy oqýshynyń úlgerimi týraly estip, oǵan tegin bilim alýdy usynǵan. Solardyń ishinde QBTÝ da bolǵan edi.
2017 jyly Qazaqstanda «114 jedel jelisiniń» resmı saıty (www.114.kz) iske qosyldy. Onda azamattar din salasyna qatysty onlaın keńes ala alady. Saıtta din salasyndaǵy memlekettik saıasat týraly ózekti aqparat, dinge qatysty maqalalar, suhbattar men sarapshylardyń pikirleri kórsetilgen. «114 jedel jelisi» – tek Qazaqstanǵa ǵana tıesili emes, sondaı-aq TMD elderi arasyndaǵy jalǵyz bastama.
2018 jyly Túrkistan qalasy jańa oblys ortalyǵy atanǵandyqtan, Túrkistannyń 721 745 ga jeri, atap aıtqanda, 12 aýyldyq okrýgi Kentaý qalasynyń quramyna kóshti. Mundaı sheshim qos qalany damytý maqsatynda qabyldanyp, memlekettik organdar tarapynan qoldaýǵa ıe boldy.
2018 jyly Halyqaralyq konkımen júgirý federatsııasy (aǵyl. International Skating Union – ISU) Qazaqstan Respýblıkasy Short-trekten álem kýboginiń kezeńin ótkizý quqyǵyna ıe bolǵanyn resmı túrde rastady. Kýbokti ótkizý úshin Almaty qalasy tańdaldy. Qazaqstan short-trekten álem kýboginiń kezeńin alǵash ret qabyldady.
2020 jyly fızıka páni boıynsha Qazaqstan qurama komandasy alǵash ret 2020 jylǵy Eýropadaǵy fızıka olımpıadasyna qatysty (EuPHO 2020), onyń qorytyndysy boıynsha 1 altyn, 2 kúmis, 1 qola medal, sondaı-aq 1 gramota jeńip aldy. Olımpıada qashyqtyqtan ótti. Eýropa fızıka olımpıadasy – bul ǵylymǵa, tanymǵa jáne esepterdi sheshýge múddeli daryndy oqýshylarǵa arnalǵan fızıka páni boıynsha halyqaralyq óńirlik olımpıada.
2022 jyly Elena Rybakınaǵa Ýımbıldondaǵy jeńisinen keıin Chempıondar lıgasynyń kýbogyn «tabys etti».
2022 jyly Qazaqstan Ulttyq Banki «Kórnekti oqıǵalar men adamdar» monetalar serııasynan ROZA BAǴLANOVA. 100 JYL kollektsııalyq monetalaryn sata bastady.
2023 jyly Qazaqstan Respýblıkasy Mádenıet jáne sport mınıstrligi «Birinshi basshylaryn Qazaqstan Respýblıkasynyń Úkimeti qyzmetke taǵaıyndaıtyn jáne qyzmetten bosatatyn joǵary jáne (nemese) joǵary oqý ornynan keıingi bilim beretin memlekettik uıymdardyń tizbesi bekitildi. Qazaqstan». Tizimde Qazaqstan Respýblıkasy Mádenıet jáne sport mınıstrligine qarasty 4 joǵary oqý orny: Qurmanǵazy atyndaǵy Qazaq ulttyq konservatorııasy; Qazaq ulttyq óner ýnıversıteti; Temirbek Júrgenov atyndaǵy Qazaq ulttyq óner akademııasy; Qazaq ulttyq horeografııa akademııasy.