27 shilde. Tulǵalar týǵan kún
ESІMDER
78 jyl buryn (1946) qazaqtyń tuńǵysh ǵaryshkeri, Keńes Odaǵynyń Batyry, Qazaqstannyń halyq qaharmany, álemniń 256-ǵaryshkeri jáne KSRO-nyń 72-ǵaryshkeri Toqtar Ońǵarbaıuly ÁÝBÁKІROV dúnıege keldi. Ǵaryshta 7 kún 22 saǵat boldy.
Qaraǵandy oblysynda týǵan. Reseı Federatsııasyndaǵy Armavır joǵary áskerı ushqyshtar ýchılışesin (1969), Avıatsııa ınstıtýtyn bitirgen (1979).
Eńbek joly: 1962-1965 jyldary Temirtaý quıma-mehanıka zaýytynda tokar boldy, esimi oblystyń Qurmet kitabyna altyn árippen jazyldy.
1969-1975 jyldary Keńes Odaǵy Áskerı-áýe kúshteriniń Qıyr shyǵys áskerı okrýginde ushqysh, zveno komandıri, eskadrılıa komandıriniń orynbasary boldy.
1975-1976 jyldary Máskeý ushqyshtar-synaqshylar mektebin, Máskeý avıatsııa ınstıtýtyn bitirdi.
1976-1992 jyldary Máskeýdegi A.Mıkoıan atyndaǵy Tájirıbelik konstrýktorlyq bıýronyń ushqysh-synaqshysy mindetterin atqardy. 1988 jyly Keńes odaǵynda tuńǵysh ret áýede ushaqqa 2 ret janarmaı quıdyrý arqyly soltústik polıýske ushý saparyn erlikpen oryndady. 1989 jyly 1-bolyp, avıatasýshy kreıserdiń alańqaıshasyna «MıG-29k» reaktıvti ushaǵyn úlken sheberlikpen dál qondyrdy. Sondaı-aq, ol reaktıvti ushaqtyń 50-den asa jańa túrin synaqtan ótkizdi. 1990 jyly ǵaryshkerler quramyna alyndy.
1991 jyly 2 sáýirde Keńes Odaǵy Ǵaryshkerler daıarlaý ortalyǵynda ǵaryshqa ushý daıyndyǵyna kirisip, sol jyly 2 qazanda Baıqońyrdan «Soıýz TM-13» kemesimen ǵaryshqa ushty. Ǵarysh kemesi jer tóńiregindegi «Mır» orbıtalyq keshenimen túıisti. Onda ol ózge ǵaryshkerlermen birge bıotehnologııa, metallýrgııa, medıtsına salalary jáne Aral týǵan aımaǵy boıynsha ǵylymı-zertýǵan jumystaryn júrgizdi. Zertteý nátıjesinde Aral ústindegi tuzdy shań boramasynyń paıda bolý protsesi, sol zııandy aerozoldardyń Qazaqstan men Reseı aımaqtaryna taralýynyń ǵaryshtyq sýretteri alyndy. Sondaı-aq, Qazaqstan aýmaǵyndaǵy atmosferany jáne jer betin zertteý, juldyzdy aspan astrofızıka baqylaý jumystary da oıdaǵydaı ótti. 1991 jyly 10 qazanda Jerge oraldy. Ǵaryshtan oralǵan soń Qazaqstandaǵy ǵaryshtyq daıarlyǵyn zertteýlerdiń negizin qalaýǵa, otandyq Qarýly Kúshterdiń áskerı daıarlyǵyn jetildirýge, áskerı-patrıottyq tárbıe jumystaryn jolǵa qoıýǵa belsene aralasty.
1992 – 1993 jyly Qazaqstan Respýblıkasy Qorǵanys mınıstriniń 1-orynbasary boldy.
1993 – 1994 jyly Qazaqstan Respýblıkasy Ulttyq aeroǵaryshtyq agenttiginiń bas dırektory – Ǵylym jáne jańa tehnologııa mınıstriniń orynbasary
1994 – 95 jyly Qazaqstan Respýblıkasy Joǵarǵy Keńesiniń depýtaty – Qorǵanys jáne qaýipsizdik komıtetiniń tóraǵasy boldy.
1996 jyldan Qazaqstan Respýblıkasy Prezıdentiniń keńesshisi.
2001 jyly №44 Qyzylorda saılaý okrýgi boıynsha Qazaqstan Respýblıkasy Parlamentiniń májilisine depýtat bolyp saılandy. Qyzylorda qalasynyń qurmetti azamaty.
Qazaq KSR Joǵarǵy Keńesiniń 12 shaqyrylym depýtaty, QR Joǵarǵy Keńesiniń 13 shaqyrym depýtaty, Qazaqstan Respýblıkasynyń Parlamenti Májilisiniń 3-shi shaqyrylym depýtaty bolyp saılanǵan.
52 jyl buryn (1972) - qazaq ǵaryshkeri, álemniń 545-shi ǵaryshkeri, «Halyq qaharmany», general-maıor Aıdyn AqanulyAIYMBETOV dúnıege keldi. Qazaqstannyń Áskerı-áýe kúshteri; «Báıterek» SP» AQ basqarma tóraǵasy.
Taldy-Qorǵan (qazirgi Jetisý) oblysynda týǵan. Armavır joǵary áskerı avıatsııa ýchılışesin bitirgen.
Eńbek joly: Qazaqstan Respýblıkasynyń Áskerı-áýe kúshterindegi qyzmet, ıstrebıtel ushqysh (1993-1995); Sý-27 ushaǵyndaǵy avıatsııalyq eskadrılıanyń avıatsııalyq bólimshesiniń komandıri (1995-2003); Qazaqstan Respýblıkasy Ulttyq ǵarysh agenttigi (UǴA) tóraǵasynyń keńesshisi (2009-2016); «Qazaqstan Ǵarysh Sapary» Ulttyq kompanııasy» AQ ǵarysh júıelerin qurý jáne paıdalaný jónindegi vıtse-prezıdenti (2016-2019); «Qazaqstan Ǵarysh Sapary» Ulttyq kompanııasy» AQ basqarma tóraǵasynyń orynbasary – óndiris jónindegi basqarma múshesi (2019-2021); «Qazaqstan Ǵarysh Sapary» Ulttyq kompanııasy» AQ basqarma tóraǵasy (2021-2024).
2024 jyldyń naýryz aıynan bastap qazirgi qyzmetinde.
«Otan» jáne «Altyn Juldyz» ordenderimen marapattalǵan.
44 jyl buryn (1980) Qazaqstan Respýblıkasy Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) tóraǵasynyń birinshi orynbasary Ulan Serikuly SARQULOV dúnıege keldi.
Aqtóbe oblysynda týǵan. Reseı Federatsııasy FSB akademııasyn (2002); Reseı Federatsııasy Prezıdentiniń janyndaǵy Reseı memlekettik basqarý akademııasyn bitirgen (2008).
Eńbek joly: Ulttyq qaýipsizdik komıtetiniń Aqtóbe oblysy boıynsha departamentiniń qyzmetkeri, Aqtóbe qalasy (2002); attashe, úshinshi hatshy – Qazaqstan Respýblıkasynyń Reseı Federatsııasyndaǵy Elshiliginiń jalpy bóliminiń meńgerýshisi, Máskeý q. (2004-2006); Mańǵystaý oblysy ákimi apparatynyń bas ınspektory, uıymdastyrý-baqylaý bóliminiń basshysy, Aqtaý qalasy (04.2006-09.2006); Aqtaý qalasy ákimi apparatynyń basshysy (2006-2009); Mańǵystaý oblysy ákiminiń keńesshisi, Aqtaý qalasy ákimi apparaty basshysynyń orynbasary (2009-2011); Qazaqstan Respýblıkasy Premer-Mınıstri orynbasarynyń kómekshisi (2012-2013); Qyzylorda oblysy ákimi apparaty basshysynyń orynbasary (2013-2015).