27 sáýir. Tulǵalar týǵan kún

ASTANA. QazAqparat – Búgin, 27 sáýirde tulǵalardan kimder dúnıege kelgen? QazAqparat oqyrmandar nazaryna esimder kúntizbesin usynady.

ESІMDER

70 jyl buryn (1953) Qazaqstannyń qurmetti sáýletshisi, QR Sáýletshiler odaǵynyń múshesi, Amerıka arhıtektorlar ınstıtýtynyń múshesi (AIA) Shýhrat Zaınıtdınuly ıÝSÝPOV dúnıege keldi.

QHR Qulja qalasynda týǵan. 1976 jyly V.I. Lenın atyndaǵy qazaq polıtehnıkalyq ınstıtýtyn sáýletshi mamandyǵy boıynsha támamdaǵan.

Eńbek jolyn 1970 jyly «Taýly Gıgant» mádenıet úıinde sýretshi-bezendirýshi bolyp bastaǵan. Túrli jyldary sáýlet salasynda ártúrli qyzmetterdi atqarǵan.

Astana, Almaty, Atyraý, Aqtaý, Qyzylorda, Sátbaev, Jezqazǵan, Túrkistan qalalarynyń boı kóterýine jáne kórkeıýine úles qosqan.

6 8 jyl buryn (1955) Qazaqstan Respýblıkasy Ortalyq memlekettik kınofotoqujattar jáne dybys jazý muraǵatynyń dırektory Janaı Seıitjanuly OMAROVdúnıege keldi.

Almaty qalasynda týǵan. 1977 jyly M. Lomonosov atyndaǵy Máskeý memlekettik ýnıversıtetin fılosofııa mamandyǵy boıynsha bitirgen.

1980-1997 jyldar aralyǵynda elimizdiń joǵarǵy oqý oryndarynda (QazPTI, QazMÝ) oqytýshylyq jáne ǵylymı qyzmettermen aınalysty.

1998 – 1999 jyldary Almaty qalalyq aqparat jáne qoǵamdyq kelisim basqarmasynyń bastyǵy, «Imıdj-Ýspeh» aqparattyq-taldaý ortalyǵynyń bas dırektory, QR Prezıdentine úmitker N.Á. Nazarbaevty qoldaý qoǵamdyq shtabynyń úgit-nasıhat tobynyń jetekshisi – Baspasóz hatshysy qyzmetterin atqardy.

1999 – 2001 jyldary Mádenıet, aqparat jáne qoǵamdyq kelisim mınıstrliginiń Buqaralyq aqparat quraldary departamentiniń dırektory, 2001-2004 jyldar aralyǵynda Qazaqstan Respýblıkasy Prezıdentiniń Baspasóz hatshysy, QR Prezıdenti Ákimshiligi Aqparattyq-taldaý ortalyǵynyń meńgerýshisi, ishki saıasat basqarmasynyń qoǵammen jáne baspasózben baılanys bóliminiń meńgerýshisi laýazymdarynda qyzmet etti.

2004-2007 jyldary «Qazaqparat» UK» AQ prezıdenti, 2007-2008 jyldary «Qazaqstan Týdeı» agenttigi» AQ baspa úıiniń bas dırektory, «Karavan» gazetiniń bas redaktory boldy. 2008-2011 jyldary «Qazaqstan» RTRK» AQ basqarma tóraǵasy bolyp jumys istedi. 2011 jylǵy shilde aıynan bastap «Kazahstanskaıa pravda» respýblıkalyq gazeti» AQ basqarma tóraǵasy bolyp qyzmet etti. 01.2014-05.2014 aralyǵynda Qazaqstan Respýblıkasy Mádenıet jáne aqparat vıtse-mınıstri, 05.2014-08.2014 aralyǵynda Qazaqstan Respýblıkasy Mádenıet vıtse-mınıstri, 2014-2018 jj. «NUR-Medıa» holdınginiń bas dırektory boldy.

«Qurmet» (2004), «Parasat» (2011) ordenderimen; «Qazaqstan Respýblıkasynyń táýelsizdigine 10 jyl» merekelik tósbelgisimen marapattalǵan.

6 6 jyl buryn (1957) Qazaqstan Respýblıkasy Aýdıtorlar palatasy odaǵynyń prezıdenti Sapar Haısahanuly KÓShKІMBAEV dúnıege keldi.

Burynǵy Semeı oblysynda (qazirgi Shyǵys Qazaqstan oblysy) týǵan. 1981 jyly Almaty halyq sharýashylyǵy ınstıtýtyn «ekonomıst» mamandyǵymen támamdaǵan.

Eńbek jolyn 1974 jyly Almaty elektr qurylǵylary zaýytynda slesardiń shákirti bolyp bastaǵan. KSR Qarjy mınıstrliginde, QR Qarjy mınıstrligine qarasty ortalyqtarda birshama qyzmetter atqarǵan.

1992-1993 jyldary «Qazaqstanaýdıt» aktsıonerlik kompanııasynyń prezıdenti, «BDO Qazaqstanaýdıt» halyqaralyq aýdıtorlyq uıymynyń prezıdenti bolǵan.

5 7 jyl buryn (1966) – Qazaqstan Respýblıkasynyń Ujymdyq qaýipsizdik týraly shart uıymynyń turaqty ókili Marat Zenıkenuly SYZDYQOV dúnıege keldi.

Şýchınsk qalasynda týǵan. 1991 jyly S.Seıfýllın atyndaǵy Tselınograd memlekettik pedagogıkalyq ınstıtýtyn, al 2006 jyly Reseı SІM Dıplomatııalyq akademııasyn bitirgen.

1991-1992 – Tselınograd qalasyndaǵy №7 orta mektebiniń tarıh muǵalimi.

1992-1998 – S.Seıfýllın atyndaǵy Tselınograd memlekettik pedagogıkalyq ınstıtýtynyń Jańa jáne qazirgi zaman tarıhy kafedrasynyń oqytýshysy.

1998-1999 – QR Prezıdenti Ákimshiliginiń Taldaý jáne strategııalyq zertteýler ortalyǵynyń sarapshysy.

1999-2002 – QR Prezıdenti Ákimshiliginiń Qaýipsizdik keńesiniń sarapshysy, Taldaý ortalyǵynyń sektor meńgerýshisi. 2002-2010 – Qazaqstannyń Reseıdegi Elshiliginiń ekinshi hatshysy, birinshi hatshysy, keńesshisi.

2010-2014 – QR Prezıdenti Ákimshiliginiń Syrtqy saıasat ortalyǵy meńgerýshisiniń orynbasary. 2014-2019 – QR Reseıdegi Elshiliginiń Keńesshi-ýákili. 2019-2022 jyldary Qazaqstan Syrtqy ister mınıstriniń orynbasary boldy. 2022 jyldyń sáýir aıynan bastap qazirgi qyzmetinde.

I synypty Keńesshi dıplomatııalyq dárejesi bar.

54 jyl buryn (1969) Qazaqstan Respýblıkasy Ulttyq ulany «Batys» óńirlik qolbasshylyǵynyń qolbasshysy Arman Maqsotuly JUMAǴALIEV dúnıege keldi.

Reseıdiń Mýrmansk oblysy, Kola qalasynda týǵan. Ordjonıkıdze atyndaǵy joǵary áskerı komandalyq ýchılışesin bitirgen (1990); Qazaqstan Respýblıkasynyń Ulttyq qorǵanys ýnıversıteti (2006); Reseı Federatsııasy Qarýly Kúshteri Bas shtabynyń Áskerı akademııasynyń joǵary akademııalyq kýrsyn bitirgen (2008); Reseı Federatsııasy Qarýly Kúshteri Bas shtabynyń Áskerı akademııasy (2010).

Eńbek joly: vzvod komandırinen bastap shtab bastyǵy – bólimshe komandıriniń orynbasaryna deıin túrli laýazymdarda qyzmet etti (1990-2008); QR ІІM TJK bas shtabynyń jedel basqarmasynyń bastyǵy (2008-2009); Qazaqstan Respýblıkasy Ulttyq ulany Bas qolbasshylyǵy Bas shtab bastyǵynyń orynbasary (2010-2017); Qazaqstan Respýblıkasy Ulttyq ulany «Batys» óńirlik qolbasshylyǵy qolbasshysynyń birinshi orynbasary – shtab bastyǵy (2017-2020).

2020 jyldyń qyrkúıek aıynan bastap qazirgi qyzmetinde.

II dárejeli «Dańq» ordenimen, KSRO jáne Qazaqstan Respýblıkasynyń 14 medalimen marapattalǵan.

44 jyl buryn (1979) Jetisý oblysynyń prokýrory Madııar Bekenuly BASShYBAEVdúnıege keldi.

Almaty oblysynda týǵan. Ál-Farabı atyndaǵy Qazaq memlekettik ulttyq ýnıversıtetiniń zań fakýltetin quqyqtaný mamandyǵy boıynsha bitirgen.

Eńbek joly: Aqtóbe oblysy prokýratýrasynyń qylmystyq ister boıynsha sot sheshimderiniń zańdylyǵyn qadaǵalaý bólimi prokýrorynyń m.a. (2000-2001); Aqtóbe oblysy prokýratýrasynyń tergeý, anyqtaý jáne jedel-izdestirý qyzmetiniń zańdylyǵyn qadaǵalaý bóliminiń prokýrory (03.2001-04.2001); Aqtóbe oblysy prokýratýrasynyń aldyn ala tergeý jáne anyqtaý zańdylyǵyn qadaǵalaý bóliminiń prokýrory (04.2001-12.2001); Aqtóbe qalasy prokýratýrasynyń jedel-izdestirý qyzmetiniń zańdylyǵyn qadaǵalaý, tergeý jáne anyqtaý bóliminiń prokýrory (2001-2002); Aqtóbe oblysy prokýratýrasynyń aldyn ala tergeý jáne anyqtaý zańdylyǵyn qadaǵalaý bóliminiń prokýrory (2002-05.2004); Aqtóbe oblysy Mártók aýdany prokýrorynyń orynbasary (2004-2005); Aqtóbe oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń bastyǵy (2005-2007); Aqtóbe oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń bastyǵy (2007-2008); Aqtóbe oblysy prokýratýrasynyń Ulttyq qaýipsizdik, qarjy polıtsııasy jáne keden organdarynda tergeý men anyqtaýdyń zańdylyǵyn qadaǵalaý bóliminiń bastyǵy (2008-2009); Aqtóbe oblysy prokýratýrasynyń Ulttyq qaýipsizdik, qarjy polıtsııasy jáne keden organdarynda tergeý men anyqtaýdyń zańdylyǵyn qadaǵalaý bóliminiń bastyǵy (2009-2010); Almaty qalasy jáne qala aýdandarynda prokýratýra salasynda birqatar qyzmetterdi, laýazymdy atqardy (2010-2021); Qazaqstan Respýblıkasy Bas prokýratýrasynyń Strategııalyq damý departamenti basshysynyń orynbasary (05.2021-12.2021); Batys Qazaqstan oblysy prokýrorynyń orynbasary (2021-2022).

2022 jyldyń shilde aıynan bastap qazirgi qyzmetinde.

38 jyl buryn (1985) Taldyqorǵan qalasynyń ákimi Áset Dúısebekuly MASABAEV dúnıege keldi.

Almaty oblysynda týǵan. Almaty energetıka jáne baılanys ınstıtýtyn (2008); Ekonomıka jáne quqyq akademııasyn (2014); Reseı Halyqtar dostyǵy ýnıversıtetin (2014) bitirgen.

Eńbek jolyn 2007 jyly «Almaty elektr stantsııasynda» elektromonter bolyp bastaǵan. 2008-2009 jyldary – «Naz» JShS-de bas energetık. 2009-2010 jyldary – «Almaz jáne KıÝS» JShS-de tehnıkalyq dırektor. 2010-2011 jyldary – Almaty qalasy Energetıka jáne kommýnaldyq sharýashylyq basqarmasy energııamen, jylýmen jabdyqtaý bóliminiń jetekshi mamany. 2011-2013 jyldary – Almaty qalasy Energetıka jáne kommýnaldyq sharýashylyq basqarmasy energııamen, jylýmen jabdyqtaý bóliminiń bastyǵy. 2013-2015 jyldary – Almaty qalasy Jetisý aýdany ákiminiń orynbasary. 2015-2016 jyldary – Almaty qalasy ákimi apparatynyń bas ınspektory. 2016 jyly Almaty qalasy Medeý aýdany ákiminiń orynbasary boldy. 2016-2019 jyldary – Almaty qalasy Tabıǵı resýrstar jáne tabıǵatty paıdalaný basqarmasynyń basshysy. 2019 jyly Almaty qalasy energetıka jáne kommýnaldyq sharýashylyq basqarmasy basshysynyń orynbasary boldy. 2019-2020 jyldary – Almaty qalasy energııa tıimdiligi jáne ınfraqurylymdyq damý basqarmasynyń basshysy. 2020-2022 jyldary –Almaty qalasy Medeý aýdanynyń ákimi.

Qazirgi qyzmetinde 2022 jyldyń naýryz aıynan bastap.

«Qurmet» ordenimen marapattalǵan.