27 mln teńge jymqyrǵan: Altaı aýdanynda balabaqsha meńgerýshisi men býhgalterine úkim shyqty

NUR-SULTAN. QazAqparat – Shyǵys Qazaqstan oblysynyń Altaı aýdanynda 27 mln teńge jymqyrǵan memlekettik bóbekjaı-baqshanyń meńgerýshisi men býhgalterine sot úkimi shyqty, dep habarlaıdy QazAqparat tilshisi.

«2020 jyldyń 21 qyrkúıeginde olarǵa Altaı aýdanynyń №2 soty úkimi shyqty. Atap aıtqanda Altaı aýdany ákimdiginiń «Jasmın» bóbekjaı-baqshasy» MKQK meńgerýshisi O.N. Tselovalnıkova 7 jyl 6 aıǵa bas bostandyǵynan, al atalǵan mekemeniń býhgalteri E.V. Poterına 7 jylǵa bas bostandyǵynan aıyryldy», - dedi Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov onlaın brıfıng barysynda.

Agenttik ókiliniń aıtýynsha olar buǵan deıin ózderiniń banktegi karta shottaryna negizsiz aýdarý jáne jeke kásipker arqyly aqshany qolma-qol aqshaǵa aınaldyrý jolymen mekekemeniń 27 699 779 teńge qarajatyn jymqyrdy dep kúdiktelgen.