27 mıllıon teńgeni zańsyz ıemdengen: Túrkııadan bótenniń múlkin jymqyrǵan qazaqstandyq ekstradıtsııalandy

<p>ASTANA. KAZINFORM &ndash; Búgin &nbsp;Qazaqstan Respýblıkasynyń Bas prokýratýrasy jáne Іshki ister mınıstrliginiń Interpol qyzmetkerlerimen, Qazaqstannyń Túrkııadaǵy Elshiliginiń qoldaýymen qylmystyq jaýapkershilikke tartý maqsatynda Túrkııa Respýblıkasynan Qazaqstan azamaty ekstradıtsııalandy. Bul týraly Bas prokýratýranyń baspasóz qyzmeti málim etti.&nbsp;</p>

«Kúdikti 2022-2023 jyldar aralyǵynda Almaty qalasyndaǵy kommertsııalyq uıymnyń býhgalteri bola otyryp, tólem tapsyrmalaryna jalǵan málimetter engizý arqyly ózine senip tapsyrylǵan 27 mıllıon teńgege jýyq aqshalaı qarajatyn zańsyz ıemdengen», — delingen habarlamada. 

Qylmys jasaǵannan keıin kúdikti jasyrynǵan, osyǵan baılanysty oǵan halyqaralyq izdeý jarııalanǵan. 

«Aǵymdaǵy jyldyń tamyz aıynda ol Túrkııa aýmaǵynda ustalyp, sodan keıin Qazaqstan Bas prokýratýrasynyń suraýy boıynsha qazaqstandyq quqyq qorǵaý organdaryna berildi. Qazirgi ýaqytta atalǵan adam Astana qalasynyń tergeý ızolıatoryna qamaldy. Atalǵan qylmysty jasaǵany úshin múlki tárkilenip, jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵan», — dep habarlady Bas prokýratýradan.