27-29 maýsymda elimizdiń basym bóliginde ystyq basylady – sınoptıkter boljamy

<p>ASTANA. KAZINFORM &ndash; Qazgıdromet 27-29 maýsymǵa arnalǵan aýa raıy boljamyn jarııalady.&nbsp;</p>

Sınoptıkterdiń boljamynsha, aldaǵy kúnderi Qazaqstan aýmaǵynyń basym bóligine aýqymdy tsıklon áser etedi. Sonyń saldarynan batys jáne soltústik-batys oblystarda naızaǵaımen birge qatty jańbyr, burshaq jaýyp, ekpindi jel soǵady. 

«27 maýsymda ońtústik-batysta, 27-29 maýsymda soltústik-batysta, 28-29 maýsymda respýblıkanyń batysy men soltústiginde qatty jańbyr jaýady. Elimizdiń shyǵysy men soltústik-shyǵysynda aýa raıy negizinen jaýyn-shashynsyz bolady dep boljanyp otyr. 27 maýsymda respýblıkanyń soltústik-batysynda, 28-29 maýsymda ońtústiginde, 29 maýsymda soltústik bóligi men ortalyqta aptap ystyq tómendeıdi. Eldiń shyǵysy men ońtústik-shyǵysynda +40+43°S aptap ystyq saqtalady», - dep jazdy «Qazgıdromet». 

Eske salsaq, buǵan deıin Qazgıdromet elimizdegi 26 maýsymda bolatyn qaýipti meteorologııalyq qubylystarǵa boljam jasaǵan edi.