26 qazan. Jylnama
ESTE QALAR OQIǴALAR
1964 jyly Qazaqstan Kompartııasy Ortalyq Komıteti men Respýblıka Mınıstrler Keńesi Tselınograd (qazirgi Astana) medıtsınalyq ınstıtýtyn qurý týraly sheshim qabyldady. 1997 jyly ınstıtýt akademııaǵa aınaldy. 2009 jyldyń 6 qańtarynda Qazaq medıtsına akademııasy «Astana medıtsınalyq ýnıversıteti» AQ bolyp qaıta qurylyp, «Ulttyq medıtsınalyq holdıngi» AQ quramyna kirdi.
1999 jyly Prezıdent N. Nazarbaev Máskeýdegi Kremldiń Georgıı zalynda ótken Keden odaǵyna qatysýshy memleketterdiń Memleketaralyq keńesiniń otyrysyna qatysty. Reseı astanasynda Keden odaǵy jáne Biryńǵaı ekonomıkalyq keńistik týraly kelisimge qatysýshy memleket basshylarynyń Máskeý deklaratsııasyna qol qoıyldy.
2010 jyly Memleket basshysynyń Belgııa Koroldigine jasaǵan resmı sapary aıasynda Qazaqstan Respýblıkasynyń Prezıdenti Nursultan Nazarbaevtyń bastamasy jáne usynysy boıynsha taraptar Qazaqstan men Belgııa arasyndaǵy Іskerlik keńes qurý týraly sheshim qabyldady.
2010 jyly Shymkentte Ońtústik Qazaqstan oblysynyń ataqty sportshylarynyń Alleıasy ashyldy. Oblystyń áıgili 28 sportshysynyń esimi jazylǵan granıt taqtalar qaladaǵy Qajymuqan atyndaǵy ortalyq stadıon aldyndaǵy alańǵa ornatylǵan. Granıt taqtalarda boksshy Bekzat Sattarhanov, gımnastshylar Nellı Kım men Álııa ıÝsýpova, palýan Bısolt Detsıevtiń esimderi jazylǵan.
2011 jyly Kýala-Lýmpýrda qazirgi Qazaqstan sýretshileriniń kórmesi ótti. Ony Qazaqstan Respýblıkasynyń Malaızııadaǵy elshiligi uıymdastyrdy. Almatynyń «Óner» art-salony usynǵan 100 shaqty sýrette qazaq halqynyń tarıhy, dástúrleri, ulttyq qundylyqtary, dala rýhy kórinis tapqan.
2015 jyly Qazaqstan Respýblıkasynyń Mədenıet jəne sport mınıstrligi Italııanyń muraǵatynan Deshti Qypshaq kezeńinde jazylǵan «Kodeks kýmanıkýs», ıaǵnı qypshaq tili sózdiginiń elektrondy nusqasyn elimizge əkeldi.
2015 jyly Varshavada kásibı fýtbol lıgalary Eýropalyq qaýymdastyǵynyń Bas assambleıasy ótti. Onyń qorytyndysy boıynsha, uıymnyń quramyna Qazaqstannyń kásibı fýtbol lıgasyn qabyldaý sheshimi qabyldandy.
2017 jyly Qazaqstan Respýblıkasynyń Prezıdenti Nursultan Nazarbaev qazaq tili álipbıin kırıllıtsadan latyn grafıkasyna kóshirý týraly Jarlyqqa qol qoıdy. Bul rette qazaq tili alfavıtiniń kırıllıtsadan latyn grafıkasyna kóshýin qamtamasyz etý maqsatynda Jarlyqta qazaq tili alfavıtin latyn grafıkasyna kóshirý boıynsha Ulttyq komıssııa qurýdy, 2025 jylǵa deıin qazaq tili alfavıtiniń latyn grafıkasyna kezeń-kezeńmen kóshýin qamtamasyz etý týraly máseleler qamtyldy.
2017 jyly rejısser Sábıt Qurmanbekovtiń «Oralman» kórkem fılmi Italııada ótken HH Halyqaralyq «Religion Today» («Búgingi din») kınofestıvalinde «Úzdik fılm» júldesimen marapattaldy. Sonymen qatar, atalǵan týyndy SIGNIS táýelsiz qazylar alqasynyń arnaıy júldesine qol jetkizdi (Kommýnıkatsııa jónindegi álem katolıkteri qaýymdastyǵynyń júldesi).
2018 jyly Shyǵys Qazaqstan oblysynyń Úrjar aýdanynda «Tarbaǵataı» Ulttyq parki ashyldy. Ondaǵy maqsat – bıologııalyq jáne landshaftyq áralýandylyqty saqtap qalý, arnaıy ekologııalyq, ǵylymı, tarıhı-mádenı jáne rekreatsııalyq qundylyǵy bar tabıǵat qorǵaý maqsattary úshin memlekettik tabıǵı rezervtik qordyń biregeı tabıǵı keshenderin jáne obektilerin paıdalaný. Ulttyq parktiń aýdany – 143550,5, qorǵaý aımaǵy – 204 602 gektar. Parktiń ereksheligi – onda ósimdikterdiń ózge aýmaqta kezdespeıtin «Qyzyl kitapqa» engen 35-ten astam túri bar. Búgingi kúnge deıin floranyń 1640 túri anyqtalǵan. Ulttyq parktiń omyrtqaly janýarlar faýnasy da baı. Aldyn ala alynǵan derekter boıynsha olar 376 túrdi qamtıdy.
2019 jyly Shveıtsarııanyń Tramelan qalasynda aýyr atletıkadan ótken 49th «Challenge 210» halyqaralyq jarysynda qazaqstandyq Raýshan Meshithanova 81 kelige deıingi salmaq dárejesinde jeńimpaz atandy. Sportshy 205 keli (95+110) kóterip, jarystyń altyn júldesin qanjyǵasyna baılady.
2021 jyly elordanyń Atatúrik saıabaǵynda skeıtpark (skeıtbord, strıtbord, agressıvti vert, agressıvti kóshe, BMX velosıpedteri, trıýktar, MTV velosıpedteri sııaqty ekstremaldy sportpen aınalysatyn adamdarǵa arnalǵan arnaıy salynǵan aımaq) ashyldy. Skeıtpark jańadan bastaǵandar úshin de, kásipqoı raıderler úshin de arnaıy tehnıkalarmen jabdyqtalǵan.
2022 jyly Túrkistan qalasynda «Eskertkishterdi qorǵaıtyn halyq» halyqaralyq konferentsııasy ótti. ıÝNESKO bastamasymen uıymdastyrylǵan jıynǵa 20 elden 60 halyqaralyq sarapshy jınaldy. Konferentsııa barysynda ıÝNESKO-nyń Búkilálemdik mura nysandaryn basqarý, saqtaý jáne qalpyna keltirý, týrızm marketıngi jáne Qoja Ahmet ıAssaýı tulǵasy men shyǵarmalarynyń túrki halyqtary úshin róli talqylandy.