25 jylda Qazaqstannan sheteldik ofshorlarǵa 160 mlrd dollarǵa jýyq aqsha shyǵarylǵan – depýtat
«Prezıdent Qasym-Jomart Toqaev sybaılas jemqorlyqqa qarsy kúres máselelerine arnalǵan keshegi keńeste bul dert elimizdiń damýyna eleýli qıyndyqtar týǵyzatynyn aıtty. Memleket basshysy sybaılas jemqorlyqty joıý jóninde tapsyrmalar berdi. «Aq jol» partııasynyń saıası baǵdarlamasynda sybaılas jemqorlyq memlekettigimizge negizgi úsh qaterdiń biri retinde kórsetilgen. Búgingi tańda Kazaqstan halqynyn urlanǵan qyrýar qarajatty elge qaıtarýdy mańyzdy másele dep sanaımyz. Bizdiń fraktsııa sońǵy jyldary, «Panama tizimi», «Raıskoe dose» jáne, Shveıtsarııa bankteriniń qazaqstandyqtyrdyń shottaryna qatysty depýtattyq saýaldarymyzda osy máselelerdi birneshe ret kótergen bolatynbyz», – dedi Maqsat Ramanqulov Qarjy monıtorıngi agenttigine joldaǵan saýalynda.
Onyń aıtýynsha, «Tax Justice network» halyqaralyq uıymynyń málimeti boıynsha, sońǵy 25 jylda Qazaqstannan sheteldik ofshorlarǵa shamamen 140-160 mıllıard AQSh dollary shyǵarylǵan. Bul búkil eldiń jyldyq ishki jalpy ónimi men onyń syrtqy qaryzyna teń.
«Keıbir málimetterge sáıkes, sońǵy bes jylda Qazaqstan Respýblıkasynyń quqyq qorǵaý organdary karajatty shetelge zańsyz shyǵarý faktileri boıynsha eki júzden astam is qozǵaǵan. Alaıda, naqty nátıjeleri týraly eshteńe belgisiz. Sonymen qatar, qańtar qasireti kezinde keıbir olıgarhtar Qazaqstannan jeke ushaqtarmen ketip qana qoımaı, qyrýar qarjyny sheteldegi esepshottarǵa aýdarǵan týraly resmı emes aqparat bar», - dedi depýtat.
Osyǵan baılanysty «Aq jol» fraktsııasy Qarjy monıtorıngi agenttigine tıisti usynystar jasap, suraqtaryn joldady:
1) Agenttik qurylǵannan beri Qazaqstan ekonomıkasyna ofshorlyq aımaqtardan naqty qansha qarajat qaıtarylǵan týraly aqparat berý.
2) Qańtardaǵy qaıǵyly oqıǵalar kezinde Qazaqstannan shetelge kandaı kólemde qarjy shaǵaryldy? Ony kimder shyǵardy, kimderdin shottaryna tústi?
«Sol kúrdeli kúnderde kóleńkeli kapıtaldar shyǵaryldy, degen kúmánimiz bar. Ol adamdar taǵdyryn elimizben baılanystyrmasa, qalaǵan jerde qala bersin. Biraq shyǵarylǵyn qarajat halyqtan urlanǵan bolsa, elimizge qaıtarylyp, ekonomıkaǵa jumys istesin. Sondyqtan bundaı faktiler bolǵan jaǵdaıda, salyq organdarynan mundaı qarjynyń shyǵýynyń zańdylyǵyn jáne olardyń tıisti salyqtardy tólegenin tekserýin suraımyz», - dedi depýtat.