25 jylda Qazaqstanda 2 mln urlyq tirkelgen

ASTANA. QazAqparat - Sońǵy 25 jylda Qazaqstanda 2 mln-nan astam urlyq tirkelgen. Onyń ishinde, 1,5 mln urlyq faktisi ashylmaı qalǵan. Bul týraly búgin Bas Prokýror Jaqyp Asanovtyń qatysýymen ótip jatqan Zańdylyqty, quqyqtyq tərtipti jəne qylmysqa qarsy kúresti qamtamasyz etý jónindegi úılestirý keńesiniń otyrysynda belgili boldy.

Bas prokýratýranyń məlimetine súıensek, Qazaqstanda urlyq faktileri búkil qylmystyń 60 paıyzyn qurap otyr. Sońǵy bes jylda urlyqtan kelgen shyǵyn 70 mlrd teńgeden asyp ketken.

"Qazaqstandaǵy qylmystardyń 64% paıyzy ol -  urlyq. Halyqtyń mazasyn ketirip otyrǵan da  - urlyq. Jyldan jylǵa kóbeıip keledi. Halyq quqyq qorǵaý organdaryna senbeıdi. Óıtkeni, urlyq faktileriniń 70 paıyzy ashylmaı qalǵan»,-dedi úılestirý keńesiniń otyrysynda Bas prokýror Jaqyp Asanov.