25 sáýir kúni elimizde ótetin mańyzdy is-sharalar ańdatpasy

<p>ASTANA. KAZINFORM &ndash; Kazinform halyqaralyq aqparat agenttigi 25 sáýir kúni elimizde ótetin mádenı jáne qoǵamdyq mańyzdy is-sharalar ańdatpasyn usynady.</p>

10.40-ta «Jastar» saraıynda «Aǵalar erligi – urpaqqa ulaǵat!» QR Qarýly Kúshteriniń qataryna jastardy saltanatty túrde shyǵaryp salý rásimi ótedi.

11.00-de QR Mádenıet jáne aqparat mınıstrligi Ulttyq qoljazbalar jáne sırek kitaptar ortalyǵy Qyzylorda oblystyq tarıhı-ólketaný murajaıymen birlesip, «Ǵasyrlar rýhanııaty» kórmesiniń saltanatty ashylýyn ótkizedi.

11.00-de Qazaqstan halqy Assambleıasynyń «Birlik. Jasampazdyq. Progress» atty kezekti XXXIII sessııasy ótedi.

11.00-de Beıbitshilik jáne kelisim saraıynda «Islam óneriniń sulýlyǵy» kórmesiniń saltanatty ashylýy ótedi.

11.00-de Astana qalasynyń kommýnıkatsııalar qyzmetinde «Astana qalasy quramasynyń sportshylaryn Parıj-2024 olımpıadalyq lıtsenzııasyn alýǵa daıyndaý barysy týraly» baspasóz konferentsııasy ótedi.

14.30-da QR Parlamenti Senatynyń otyrysy ótedi.

19.00-de Erkeǵalı Rahmadıev atyndaǵy Memlekettik akademııalyq fılarmonııasynyń Qaırolla Jumakenov atyndaǵy úrlemeli orkestri «WELCOME» atty kontsert ótkizedi.