25 naýryzdan bastap Ózbekstan aýmaǵyna kirýdiń jańa tártibi engiziledi

TAShKENT. ÓzA –QazAqparat – 25 naýryzdan bastap Ózbekstan aýmaǵyna kirerde tanylǵan zerthanalardyń koronavırýsqa arnalǵan PTR test nátıjeleri suralady. PTR test týraly kýáligi joq azamattar shekaralyq beketterde ekspress-test tapsyrý múmkindigi qarastyrylǵan. Bul týraly QazAqparat ÓzA silteme jasap habarlaıdy.

Týrızm komıtetiniń dereginshe, PTR test nátıjesi qabyldanatyn zerthanalardyń tizimin (kem degende 10) sanıtarlyq-epıdemıologııalyq qyzmeti jasaqtaıdy. Al test nátıjesi aǵylshyn nemese orys tilderinde bolýy kerek.

Jańa talaptar boıynsha:

·ÓR aýmaǵyna áýe, temirjol jáne shekara beketteri arqyly keletin barlyq azamattar óz esebinen áýejaıda, temirjol stantsııasynda nemese shekara beketinde koronavırýstyq antıgenge ekspress-testi tapsyrý protsesi 2021 jyl 15 naýryzdan bastap joıyldy;

· áýe nemese temirjol baǵytynda kelýshiler ÓR-ǵa sapar aldynan tirkeýden ótý úshin sońǵy 72 saǵat ishinde koronavırýstyq PTR test týraly anyqtamany (indet joq degen) kórsetý talap etiledi;

·avtokóliktik baqylaý beketteri arqyly ÓR-ǵa kelýshiler 72 saǵattan aspaıtyn merzimde koronavırýstyq PTR testtik aýrý joqtyǵy jaıly anyqtama tapsyrsa nemese PTR nátıjeleri bolmaǵan jaǵdaıda shekara beketterindegi klınıka, zerthanalarda koronavırýstyq ınfektsııa antıgenine ekspress test tapsyrady, indet anyqtalmasa Ózbekstan Respýblıkasynyń aýmaǵyna kirýine ruqsat etiledi.

Jol shekara ótkizý beketteri arqyly keletin Ózbekstan azamattary men azamattyǵy joq adamdar, eger test nátıjesinde aýrý anyqtalǵan jaǵdaıda, olar tıisti aımaqta ornalasqan medıtsınalyq mekemelerge jiberiledi.

«Soh» aýdany, «Shohımardan», «Chonkara», «Toshtepa» eldi mekenderge kirerde jáne sol aımaqtan ÓR-ǵa tranzıttik jolmen kele jatqan Ózbekstan men Qyrǵyzstan azamattarynan koronavırýstyq test nátıjeleri suralmaıdy.

Eske salsaq, 15 naýryzdan bastap Ózbekstanǵa kelýshiler KVI-ǵa qosymsha test tapsyrmaı kiretindigi týraly habarlaǵan bolatynbyz.