25-30 mln teńge jáne páter: Astana ákimi Paralımpıada júldegerlerin quttyqtady

<p>ASTANA. KAZINFORM - Astana qalasynyń ákimi Jeńis Qasymbek <a href="https://www.instagram.com/p/DAF0wvlu-tc/?igsh=eXd4anR6b3M1b3Uy" target="_blank" rel="noopener">Instagram</a> paraqshasynda Paralımpıada oıyndarynda el qorjynyna medal salǵan sportshylarmen kezdeskeni týraly jazdy, dep habarlaıdy elorda ákimdiginiń resmı saıty.&nbsp;</p>

«Paralımpıada oıyndarynyń elordalyq júldegerlerimen kezdestim. Aqmaral Naýatbek elimizge kópten kútken jeńis syılady. Ol para dzıýdodan álem chempıony atanǵan jáne Paralımpıada altynyn jeńip alǵan alǵashqy qazaqstandyq sportshy retinde el tarıhyna endi. Álem aldynda kók týymyzdy jelbiretken taǵy bir elordalyq sportshy – Erǵalı Shameı. Erǵalı kúmis medal jeńip aldy. Olardyń jeńisiniń artynda toqtaýsyz jattyǵýlar, temirdeı tártip, shydamdylyq, jaqyndarynyń, bapkerleriniń qoldaýy, ózine degen senim jatyr», - dep jazdy Jeńis Qasymbek.

Óz kezeginde qala ákimi Aqmaral Naýatbekke 3 bólmeli páterdiń sertıfıkatyn jáne 30 mln teńge aqshalaı syıaqy, al onyń jattyqtyrýshysy Aıdyn Anapınge 10 mln teńge tabys etti. 

Foto: Astana ákimdigi

Al, Erǵalı Shameıge 2 bólmeli páterdiń sertıfıkaty men 25 mln teńge aqshalaı syıaqy, al onyń jattyqtyrýshysy Dáýren Orazovqa 7 mln teńge tabys etildi. Aqshalaı syıaqy demeýshiler tarapynan berildi. 

Foto: Astana ákimdigi

Áńgime arasynda Jeńis Qasymbek sportshylarǵa qoldaý kórsetýdi ary qaraı da jalǵastyratynyn, sonymen qatar qalanyń sporttyq ınfraqurylymyn jaqsartyp, buqaralyq sportpen shuǵyldaný úshin, onyń ishinde balalar men jasóspirimderge arnalǵan sport mektepterine tıisti jaǵdaı jasaıtynyn atap ótti. 

Foto: Astana ákimdigi

Eske sala keteıik, buǵan deıin Qazaqstan dzıýdoshylary Tájikstandaǵy álem chempıonatynda baq synaıtynyn jazǵan edik.