247 teńge turatyn S dárýmenin 800 teńgeden satqan Almaty turǵyny ustaldy
16:06, 17 Shilde 2020
ALMATY. QazAqparat - Almatyda S dárýmeniniń 1 qaptamasyn (askorbın qyshqyly) 800 teńgeden satqan er adam ustaldy, dep habarlaıdy QazAqparat tilshisi.
Qalalyq ekonomıkalyq tergeý departamentiniń mamandary 17 shildede jedel izdestirý sharalaryn júrgizý kezinde S dárýmeniniń 1 qaptamasyn 800 teńgeden satqan er adamdy ustady.
QR DSM 15 shildedegi buıryǵyna sáıkes, «S» dárýmeniniń 1 qaptamasy 247 teńgeden aspaýy tıis.
Kúdikti 95 qaptama dárýmendi 80 000 teńgege satpaq bolǵan.
Qazirgi tańda QR 214-babynyń 1-bólimimen sotqa deıingi tergeý sharalary bastaldy.