242 myńnan astam adam 5,3 mlrd teńge salyqtyq boryshyn ótedi
QR QM Memlekettik kirister komıtetiniń málimetinshe, bir apta ishinde salyqtyq raqymshylyq múmkindikterin paıdalanǵan azamattardyń sany 65 322 jeke tulǵaǵa ósken. Osy ýaqyt aralyǵynda olardyń 254,4 mln teńge kólemindegi ósimpuly esepten shyǵaryldy. Salyqtar boıynsha qaryzdaryn ótegen azamattardyń eń kóbi Almaty qalasynda (42 500), Qostanaı (28 137) jáne Aqtóbe (25 391) oblystarynda turady.
Negizgi qaryzdy óteý boıynsha kóshbasshylar - Almaty qalasy (3 mlrd teńgeden astam), Qostanaı (451,1 mln) jáne Almaty (220,6 mln) oblystary. Ósimaqyny esepten shyǵarý boıynsha eń úlken soma - Almaty qalasy (533,1 mln), Pavlodar oblysy (145,1 mln), Nur-Sultan qalasy (72,4 mln).
«Jalpy, 1,4 mıllıonǵa jýyq adam raqymshylyqqa iligip, 13,9 mlrd teńge kóleminde qaryzdyń negizgi somasyn tólegen jaǵdaıda, 6,3 mlrd teńge kóleminde ósimpul esepten shyǵarylady. Salyq tóleýshiler boryshtarynyń bar-joǵyn Memlekettik kirister komıtetiniń saıtynda nemese myna silteme boıynsha teksere alady», - delingen komıtet aqparatynda.