24 jyl buryn Belarýste kisi óltirgen adam Almatyda ustaldy
«Jedel-izdestirý is-sharalaryn júrgizý kezinde Almaty polıtsııasy asa qatygezdikpen kisi óltirdi degen kúdikpen 67 jastaǵy er adamdy ustady. Ol sońǵy jyldary Almaty mańynda jasyrynyp júrgen. Belarýs polıtsııasynyń habarlaýynsha, ol 1996 jyldan bastap adam óltirdi degen kúdikpen izdeýde boldy. Belarýs Respýblıkasy Qylmystyq kodeksiniń 100-baby, 2-bóligi boıynsha qylmystyq is boıynsha qylmystyq jaýapkershilikke tartylady. Kúdikti óz elinde buzaqylyq úshin jáne adam densaýlyǵyna aýyr zııan keltirgeni úshin eki ret sottalǵan. Qazirgi ýaqytta ol Almaty qalalyq PD ýaqytsha ustaý ızolıatoryna qamaldy. Kóp uzamaı Belarýs Respýblıkasynyń Mınsk qalasyna ekstradıtsııalanyp, jergilikti sot aldynda jaýap beredi», – dedi Almaty qalalyq PD krımınaldyq Polıtsııa basqarmasynyń bastyǵy Erkin Іńkárov.