24 tonnaǵa jýyq alkogoldi satpaq bolǵan aqmolalyq sottaldy

ASTANA. QazAqparat - 24 tonnaǵa jýyq alkogoldi satýǵa árekettengen Aqmola oblysynyń turǵyny sottaldy. Bul týraly Qarjy monıtorıngi agenttiginen málim etti, dep habarlaıdy QazAqparat.

«QMA Aqmola oblysy boıynsha departamenti alkogol ónimderin ótkizý maqsatynda zańsyz satyp alý, sondaı-aq zańsyz kásipkerlik qyzmetti júzege asyrý faktileri boıynsha sotqa deıingi tergeýdi aıaqtady.
Oqıǵa bolǵan jerdi qaraý kezinde avtokólik tirkemesinen quramynda spırti bar suıyqtyq toltyrylǵan árqaısysynyń kólemi 1000 lıtr bolatyn 24 plastık ydys tabyldy.
Aqmola oblysy boıynsha Memlekettik kirister departamentiniń qorytyndysyna sáıkes, tárkilengen quramynda spırti bar suıyqtyqtyń jalpy quny 27,5 mıllıon teńgeden asady.
Sot úkimimen A.T. Batjanovtan qylmystyq jolmen tabylǵan múlki tárkilenip, oǵan 1 jylǵa bas bostandyǵyn shekteý jazasy taǵaıyndaldy», - delingen málimette.