24 maýsym kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 24 maýsym kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de M.Nárikbaev atyndaǵy ýnıversıtette Media Club Qazaqstan jabyq formattaǵy kezdesý ótedi. Spıker: QR Aqparat jáne qoǵamdyq damý mınıstri - Darhan Qydyráli.

10.00-de L.N.Gýmılev atyndaǵy EUÝ «University sports centre» sporttyq-saýyqtyrý kesheninde «Bolashaq» halyqaralyq stıpendııasynyń 30 jyldyǵyna oraı baǵdarlama túlekteri arasynda V Spartakıada ótedi.

10.00-de Kongress ortalyqta Qazaqstanda alǵash ret qurylysshylar qaýymyna jáne kásipkerlerge arnalǵan aýqymdy is-sharalardyń biri - «Preodolenıe» forýmy ótedi. Jıynǵa Qazaqstannyń túkpir-túkpirinen qurylysshylar, iri kásipkerler jáne ózge salanyń bıznes ókilderi qatysady.

11.00-den 21.30-ǵa deıin E.Rahmadıev atyndaǵy fılarmonııa alańynan Esil ózeniniń jaǵalaýyna deıin túrli is-sharalar ótedi: «Mýzyka balalar kózimen» balalar sýret baıqaýy, «Bormen sýret salý», «Músin», «Kompozıtsııa» atty úsh nomınatsııada úzdik jumystardy tańdaý jáne marapattaý; «Saryarqa» halyq mýzykasy ansambliniń jáne Úrlemeli orkestrdiń «Mýzykalyq aspaptar álemine saıahat» atty jas mýzykanttarǵa arnalǵan sheberlik saǵattary ótedi.

12.30-da Stýdenttik saıabaqta «Urpaqtar úni» jobasy aıasynda kóshe jáne ulttyq oıyndar boıynsha týrnır ótedi.

19.00-de Jas kórermenderdiń mýzykalyq teatrynda «Gaýhartas» mýzykalyq dramasy qoıylady.