23 jastaǵy qostanaılyq jigit jaǵajaıda beıtanys adamdy uryp óltirdi

QOSTANAI. QazAqparat – Qalalyq jaǵajaıda demalý kezinde Qostanaı turǵyny ekinshi qostanaılyq azamatty uryp óltirgen. Bul faktini Qostanaı oblysynyń polıtsııa departamentiniń baspasóz qyzmeti rastady, dep habarlaıdy qazAqparat tilshisi.

«Aldyn ala tergeý barysynda bul kúni úsh er adamnyń qalalyq jaǵajaı aımaǵyna demalyp shomylýǵa ketkeni anyqtaldy. Osydan keıin olardyń bireýi men olarǵa jaqyndaǵan jábirlenýshi arasynda janjal týyndap, saldarynan 23 jastaǵy jigit sońǵysyna qolymen birneshe soqqy jasaǵan. Beıtanys adam dene jaraqatynan qaıtys bolady»,- dep habarlady polıtsııa.

Qazirgi ýaqytta sotqa deıingi tergeý jalǵasyp jatyr.

Qylmystyq is sheńberinde sot saraptamalaryn júrgizý jáne kináli adamdy qylmystyq jaýapkershilikke tartý maqsatynda jedel tergeý sharalar keshenin júrgizý josparlanǵan.

Kúdikti Qostanaı qalasy PB ýaqytsha ustaý ızolıatoryna qamaldy.

Oblys ortalyǵynyń 27 jastaǵy turǵynynyń qaıtys bolý faktisi boıynsha Qostanaı Polıtsııa basqarmasy Qylmystyq kodekstiń 106-babynyń 3-tarmaǵy negizinde (abaısyzda jábirlenýshiniń ólimine ákep soqqan is-áreket) sotqa deıingi tergeýdi júrgizýde.