23 sáýirde Pavlodardyń Solnechnyı kentinde ákim saılaýy ótedi

PAVLODAR. QazAqparat – Osy aıdyń sońynda Pavlodar oblysyna qarasty Solnechnyı kentinde ákim saılaýy ótedi, dep habarlaıdy QazAqparat tilshisi.

«3 sáýir saǵat 18:00-degi jaǵdaı boıynsha Ekibastuz qalalyq aýmaqtyq saılaý komıssııasy Solnechnyı kentiniń ákimi laýazymyna ózin-ózi usynyǵan 4 kandıdattyń úsheýi tirkedi. Olardyń barlyǵy er adam. Eń úlken kandıdat - 44, eń jas úmitker 36 jasta. Tirkelgen barlyq kandıdattar 3 sáýir saǵat 18:00-den bastap, 21 sáýir kúni saǵat 00:00-ge deıin saılaýaldy úgit-nasıhat júrgizýge quqyly. Kandıdattarǵa BAQ-ta ózderiniń baǵdarlamalarymen shyǵýy úshin: teledıdardan - 15 mınýt, radıodan - 10 mınýt, merzimdi baspasóz basylymdarynda nemese jelilik basylymdarda 0,1 baspa tabaqtan aspaıtyn kólemde 2 maqala jarııalaýy úshin qarajat bólinýi qarastyrylǵan», - delingen óńir ákimdiginiń resmı saıtynda jarııalanǵan habarlamada.

Málim bolǵandaı, saılaý 23 sáýir kúni Solnechnyı kentiniń aýmaǵynda ótedi.

Eske sala keteıik, osy aıda Atyraý oblysyna qarasty 2 aýyldyq okrýgtiń ákimi saılanady.