23 qazan. Tulǵalar týǵan kún
60 jyl buryn (1963) «KEGOC» AQ Dırektorlar keńesiniń múshesi Qanysh Táńirbergenuly MOLDABAEV dúnıege keldi.
Pavlodar oblysynda dúnıege kelgen. 2016-2020 jyldary RF Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasyn (iskerlik ákimshilik etý doktory), 2003-2004 jyldary QR Prezıdentiniń janyndaǵy Memlekettik qyzmet akademııasyn (memlekettik qyzmet menedjeri), 1999-2002 jyldary Qaraǵandy memlekettik tehnıkalyq ýnıversıtetin (ekonomıst-zańger), 1981-1987 jyldary Pavlodar ındýstrıaldy ınstıtýtyn (ınjener-elektrık) bitirgen.
Eńbek jolyn 1987 jylǵy tamyzda Pavlodar oblysy Baıanaýyl aýdany elektr jelileriniń slesari qyzmetinen bastady. 1987-1999 jyldary paıdalaný men jóndeýden bastap Pavlodar oblysy Baıanaýyl aýdanynyń elektr jelileriniń birinshi basshysyna deıin ár túrli laýazymda jumys istedi. 1999-2003 jyldary Pavlodar oblysy Baıanaýyl aýdany ákiminiń orynbasary bolyp jumys istedi. 2003-2004 jyldary QR Prezıdentiniń janyndaǵy Memlekettik qyzmet akademııasynda oqydy. Oqýdy aıaqtaǵannan keıin, 2004-2007 jyldary Energetıka jáne mıneraldyq resýrstar mınıstrliginiń Elektr energetıkasy basqarmasynyń bastyǵy bolyp jumys istedi. Sodan keıin «KEGOC» AQ-ǵa jumysqa aýysty, 2007-2009 jyldary «KEGOC» AQ «Soltústik JET» fılıalynyń dırektory, 2009-2011 jyldary UET-ty damytý departamentiniń dırektory bolyp eńbek etti. 2011-2012 jyldary «Samuryq-Qazyna» AQ Indýstrııalyq aktıvterdi basqarý jónindegi dırektory qyzmetin atqarǵan. 2012-2018 jyldary «Samuryq-Energo» AQ-da Innovatsııalyq-tehnologııalyq saıasat jáne damý departamentiniń dırektory, Damý jáne satý jónindegi basqarýshy dırektor - basqarma múshesinen bastap basqarma tóraǵasynyń birinshi orynbasaryna deıin túrli laýazymdarda jumys istedi. 2018-2019 jyldary «Qazaqstan atom elektr stantsııalary» AQ Bas dırektorynyń orynbasary boldy. 2019-2021 jyldary – «Samuryq-Qazyna» Ulttyq ál-aýqat qory» AQ «Energetıka» sektorynyń basshysy. 2021 jyly – «Samuryq-Qazyna» Ulttyq ál-aýqat qory» AQ Energetıkalyq jáne taý-ken aktıvteri dırektsııasynyń dırektory. 2021-2023 jyldary «KEGOC» AQ basqarma tóraǵasy. 2023 jylǵy 31 shildede «KEGOC» AQ Aktsıonerleriniń jalpy jınalysynyń sheshimimen (№32 hattama) «KEGOC» AQ Dırektorlar keńesiniń múshesi bolyp saılandy.
«Qurmet» ordenimen (2015 j.), «Qazaqstan Respýblıkasynyń táýelsizdigine 10 jyl» (2001 j.), «Qazaqstan Respýblıkasynyń táýelsizdigine 20 jyl» (2011 j.) medaldarymen, Qazaqstan Respýblıkasy Energetıka jáne mıneraldyq resýrstar mınıstrliginiń Qurmet gramotasymen (2006 j.), «TMD eńbek sińirgen energetıgi» ataǵymen (2010 j.) marapattaldy.
58 jyl buryn (1965) Qazaqstannyń memleket jáne qoǵam qaıratkeri Asqar Uzaqbaıuly MAMIN dúnıege keldi.
Tselınograd ınjenerlik-qurylys ınstıtýtyn, G.V. Plehanov atyndaǵy Reseı ekonomıkalyq akademııasyn bitirgen, mamandyǵy boıynsha ınjener-qurylysshy, ekonomıst.
Eńbek jolyn «Tselıntıajstroı» tresinde montajshy bolyp bastaǵan. Qazaqstan ınnovatsııalyq kásiporyndar odaǵy dırektorynyń orynbasary laýazymynda qyzmet atqarǵan. Astana qalasy ákiminiń birinshi orynbasary (1996-2000), QR Kólik jáne kommýnıkatsııalar vıtse-mınıstri (2000-2002), «Inkom-Astana» JShS bas dırektory (2002-2003), QR Indýstrııa jáne saýda birinshi vıtse-mınıstri (2003-2004), QR Kólik jáne kommýnıkatsııalar mınıstri (2005-2006), Astana qalasynyń ákimi (2006-2008), 2008-2016 jyldary «Qazaqstan temir joly» ulttyq kompanııasy» aktsıonerlik qoǵamynyń prezıdenti, QR Premer-Mınıstriniń birinshi orynbasary (2016-2019) qyzmetterin atqardy. QR Premer-Mınıstri boldy (2019-2022).
1998 jyly «Eren eńbegi úshin» medalimen, 2006 jyly «Qurmet» ordenimen, 2011 jyly ІІ dárejeli «Barys» ordenimen, 2013 jyly Frantsýz Respýblıkasynyń Qurmetti legıony ordenimen, 2014 jyly Ispanııa koroldiginiń «Azamattyq eńbegi úshin» І dárejeli ordenimen marapattalǵan. 2011 jyly Astana qalasynyń Qurmetti azamaty, 2012 jyly Qurmetti temirjolshy, 2013 jyly Qazaqstannyń Qurmetti qurylysshysy ataǵyn aldy.
46 jyl buryn (1978) Qazaqstan Respýblıkasy Ulttyq qaýipsizdik komıteti Shekara qyzmeti dırektorynyń orynbasary, general-maıor Qanataı Jorabekuly DALMATOV dúnıege keldi.
Almaty oblysynda týǵan. QR Ulttyq qaýipsizdik komıtetiniń Áskerı ınstıtýtyn (2000); Ortalyq Azııa ýnıversıtetin (magıstratýra) bitirgen.
Eńbek qyzmeti: Zaısan shekara otrıady shekara zastavasy bastyǵynyń orynbasary, shekara beketi bastyǵy, shekara zastavasynyń bastyǵy bolǵan. Qazaqstan Respýblıkasy ulttyq qaýipsizdik organdarynyń jedel-basqarý quramy laýazymdarynda qyzmet etken.
Qazirgi qyzmetin 2019 jyldyń qazan aıynan bastap atqaryp keledi.
37 jyl buryn (1986) Astana qalasy ákiminiń orynbasary Eset Berikuly BAIKEN dúnıege kelgen.
Qaraǵandy oblysynda týǵan. Qaz MZÝ Gýmanıtarlyq zań kolledjin (2005); Qazaq gýmanıtarlyq zań ýnıversıtetin (2008); E.A. Bóketov atyndaǵy Qaraǵandy memlekettik ýnıversıtetin (2010) bitirgen.
Eńbek joly: 2008-2009 jyldary Astana qalasynyń Ekonomıka jáne bıýdjettik josparlaý basqarmasy ınvestıtsııalyq saıasat jáne josparlaý bóliminiń jetekshi mamany m.a. bolyp jumys istegen. 2009 jyly Astana qalasynyń Ekonomıka jáne bıýdjettik josparlaý basqarmasy ınvestıtsııalyq saıasat jáne josparlaý bóliminiń jetekshi mamany, 2010 jyly Astana qalasynyń Ekonomıka jáne bıýdjettik josparlaý basqarmasy ınvestıtsııalyq saıasat jáne josparlaý bóliminiń bas mamany, 2010 jyly Astana qalasynyń Ekonomıka jáne bıýdjettik josparlaý basqarmasy quqyqtyq qamtamasyz etý jáne satyp alý bóliminiń bas mamany, 2010-2013 jyldary Astana qalasy ákimi apparaty áleýmettik-mádenı sala bóliminiń bas mamany, 2013 jyly Astana qalasy ákimdiginiń bas ınspektory, 2013-2016 jyldary Astana qalasy ákimi apparaty uıymdastyrý-ınspektorlyq bóliminiń basshysy, 2016-2017 jyldary QR Prezıdenti Ákimshiligi Hatshylyǵynyń sarapshysy, 2017-2019 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2019 jyly Qaraǵandy oblysy Nura aýdanynyń ákimi, 2019 jyly Nur-Sultan qalasy ákimi Apparat basshysynyń orynbasary, 2022 jyly Nur-Sultan qalasy Saryarqa aýdanynyń ákimi qyzmetin atqardy.
Qazirgi laýazymyn atqarýǵa 2022 jyldyń qyrkúıek aıynda kiristi.
29 jyl buryn (1994) UFC-de jartylaı orta salmaq dárejesinde óner kórsetetin qazaqstandyq aralas jekpe-jek sheberi Shavkat Baqtybaıuly RAHMONOV dúnıege keldi.
Jartylaı orta salmaqta M-1 burynǵy chempıony. UFC jartylaı orta salmaq reıtınginde 6-qatarda tur.
Ózbekstanda týǵan. 2014 jyly Rahmonov Qazaqstan azamattyǵyn alyp, otbasymen Qaraǵandy qalasyna kóship keldi. Qazir Almaty qalasynda turady.
101 jyl buryn (1922-1943) Keńes Odaǵynyń Batyry, qazaqtyń qaharman qyzy Mánshúk Jıenǵalıqyzy MÁMETOVA dúnıege kelgen.
Oral oblysynyń (qazirgi Batys Qazaqstan) Orda aýdanyndaǵy Jasqus aýylynda týǵan. Ata-anasynan erte aıyrylǵan Mánshúktiń balalyq shaǵy Almatyda Á. Mámetovanyń tárbıesinde ótti. Almaty qalasyndaǵy №28 mektepte oqyǵan. Mektepti bitirip, medıtsınalyq rabfakta, Almaty medıtsınalyq ınstıtýtynda oqydy.
1942 jyly tamyzda óz erkimen suranyp, Qyzyl Armııa qataryna alyndy. Alǵashynda shtab pesiri, keıinnen dala gospıtalinde medbıke boldy. Instıtýtta oqyp júrgende mergendikke úırengen Mánshúk bos kezinde «Maksım» pýlemetiniń qurylysyn zerttedi. Ózi suranyp, atqyshtar dıvızııasyna qosylyp, 21-shi atqyshtar dıvızııasynyń quramynda urysqa qatysty. Aǵa serjant, pýlemetshi Mánshúk urystarda óziniń mergendigimen jáne tobynda batyldyǵymen kózge tústi. 1943 jylǵy 15 qazanda Kalının maıdanynyń áskerleri quramynda Nevel qalasy úshin bolǵan keskilesken sheshýshi urysta Mánshúk aqtyq demi bitkenshe pýlemetten oq boratyp, qaharmandyqpen qaza tapty. Denesi Nevel qalasyna jerlendi. Batyr qyzǵa qaza tapqannan keıin, 1944 jylǵy 1 naýryzda SSSR Joǵarǵy Keńesiniń Prezıdıýmynyń Jarlyǵymen Keńes Odaǵynyń Batyry ataǵy berildi.