23 aqpan. QazAqparat kúntizbesi
ESTE QALAR OQIǴALAR
1990 jyly Qazaq SSR Joǵarǵy Keńesiniń «Qazaq SSR Joǵarǵy Keńesiniń tóraǵasy týraly» qaýlysy jarııalandy. Qaýlyǵa sáıkes, bul qyzmetke N.Á. Nazarbaev saılandy.
1993 jyly Almatydaǵy Dostyq úıinde «Qazaqstan-Vengrııa» dostyq qoǵamy quryldy.
1995 jyly Londonda Ulybrıtanııadaǵy Qazaqstannyń mádenı ortalyǵynda Abaı úıi ashyldy.
2007 jyly Mańǵystaý oblysynda Munaıly aýdany quryldy. Bul sheshim Mańǵystaý oblystyq máslıhatynyń kezekten tys sessııasynda qabyldandy. Bul aımaqtyń besinshi ákimshilik-terrıtorııalyq aýdany. Munaıly aýdanynyń ákimshilik aýmaǵy 492 myń 189 gektar jerdi alyp jatyr.
2011 jyly Astanada jazýshy Tabyl Qulyıastyń «Qanjosa ǵasyr», «Qyrǵyn», «Qan keshý» atty kitaptarynyń tanystyrylymy ótti. Kitaptyń úsheýi de Keńes Úkimeti tusyndaǵy tragedııalyq oqıǵalarǵa, qoldan jasalǵan saıası náýbetterge arnalǵan. Máselen «Qan josa ǵasyr» kitabynda 1918-1922 jyldardaǵy ashtyqtyń sebepteri baıandalsa, «Qyrǵyn» kitabynda 1932-1934 jyldary F. Goloşekınniń «Kishi Qazan» ujymdastyrý saıasaty jáne onyń qazaq halqy úshin orny tolmas saldarlary, «Qan keshý» jınaǵynda NKVD-niń ult zııalylary men bas kóterer azamattardyń sońyna túsip, qýǵyn-súrginge ushyratyp, ǵazız ómirlerin jalmaǵan aýyr jyldar sýretteledi.
2012 jyly QR Ulttyq banki Islam qarjylyq qyzmetteri boıynsha keńestiń qaýymdastyrylǵan múshesi retinde qabyldandy.
2012 jyly Qazaqstan «Segizdik toby» jappaı qyryp-joıatyn qarýlardyń taratylýyna qarsy jahandyq áriptestiktiń 24-múshesi boldy.
2015 jyly ıAdrolyq synaqtarǵa jan-jaqty tyıym salý týraly shart uıymynyń otyrysynda Qazaqstan ıAdrolyq synaqtarǵa jan-jaqty tyıym salý týraly sharttyń 2015-2017 jyldary kúshine enýine kómek konferentsııasynyń teń tóraǵasy bolyp taǵaıyndaldy.
2015 jyly Petropavl qalasyndaǵy Qazaq klassıkalyq gımnazııasyna Qazaqstan Memlekettik syılyǵynyń laýreaty Safýan Shaımerdenovtiń esimi berildi. Eskertkish taqtanyń ashylý saltanatyna mádenıet qaıratkerleri, dramatýrgtiń týystary, jurtshylyq ókilderi qatysty.
2017 jyly Kot-d' Ivýardaǵy bitimgershilik mıssııasynan keıin Qarýly kúshterdiń ofıtseri Asylhan Amanǵalıuly mıssııa barysynda úzdik bitimgershilik daıarlyǵy bar bilikti maman, ofıtser retinde kórinip, áskerı baqylaýshylarǵa berilgen talaptardy minsiz jáne úlgili oryndaǵany úshin BUU medalimen marapattaldy.
2018 jyly Brıýsselde Eýropanyń syrtqy saıası qyzmet organynyń ǵımaratynda Qazaqstan Respýblıkasy men Eýropa odaǵynyń arasyndaǵy dıplomatııalyq qatynastardyń ornatylǵanyna 25 jyl tolýyna oraı fotokórme ashyldy. Kórmeni Eýropa tarapynyń qoldaýymen Qazaqstan Respýblıkasynyń Brıýsseldegi elshiligi uıymdastyrdy. Onda Qazaqstan sulý tabıǵaty men zamanaýı qalalarynyń ásemdigi beınelengen 18 jumys kórsetildi.
2022 jyly Qazaqstan Chehııamen birge Bolondyq baqylaý tobynyń (BFUG) teń tóraǵasy bolyp bekitildi.
Qazaqstannyń BFÝG-ǵa teń tóraǵalyq etýi – joǵary jaýapkershilik jáne elimizdiń halyqaralyq deńgeıde moıyndalýy. Bolon protsesine 48 memleket, sonyń ishinde Shveıtsarııa, Frantsııa, Ulybrıtanııa, Ispanııa, Italııa jáne t.b. kiredi. Al Qazaqstannyń tóraǵalyq etý týraly usynysy qazaqstandyq joǵary bilim berý júıesiniń eýropalyq bilim keńistigindegi bedeliniń artqanyn kórsetedi.
2022 jyly Chehııanyń Gavırjov qalasynda qaraǵandylyq Ulan Qurmanǵalıev WTT Youth Contender ústel tennısinen jasóspirimder týrnırinde jeńiske jetti. Ol 15 jasqa deıingi jas sanatynda úzdik atandy.