23-25 naýryzda Qazaqstanda aýa raıy qandaı bolady
13:13, 22 Naýryz 2023
ASTANA. QazAqparat - «Qazgıdromet» RMK 23-25 naýryz kúnderine aýa raıy boljamyn usyndy, dep habarlaıdy QazAqparat.
Sınoptıkterdiń málimetinshe, atalǵan kúnderi Qazaqstannyń basym bóligi antıtsıklon yqpalynda bolady. Kún shyǵyp, jylynady.
Tek soltústikte jáne soltústik-batysta, 23 naýryzda ońtústik-shyǵystaǵy taýly aýdandarda kún raıy qubylmaly bolyp, jańbyr men qar túrinde jaýyn jaýady.
Respýblıka boıynsha tuman túsip, ońtústik-batysta shańdy daýyl turady. Eldiń soltústigi men soltústik-batysynda jel soǵady.