23-25 qarashada elimizdiń basym bóliginde jaýyn jaýyp, jel turady – sınoptıkter boljamy

<p>Qazaqstannyń basym bóligi burynǵydaı tsıklon yqpalynda bolyp, elde jańbyr men qar túrindegi jaýyn-shashyn túsedi: 23 qarashada ońtústik, ońtústik-shyǵysta, 23-24 qarasha kúnderi soltústik-batysta, al 24 qarashada &ndash; respýblıkanyń soltústiginde qatty jaýyn-shashyn (jańbyr, qar) jaýady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazgıdromet» RMK málimetinshe, 25 qarashada eldiń ońtústik, ońtústik-shyǵysynda jáne ortalyǵynda kún raıy birtindep jaqsaryp, jaýyn-shashyn jaýmaıdy.

Aldaǵy kúnderi respýblıka boıynsha jel jyldamdyǵynyń 15-28 m/s deıin kúsheıetini boljanyp otyr. 23 qarashada eldiń soltústiginde, soltústik-batysynda, 23-24 qarasha kúnderi ońtústik jáne ońtústik-shyǵysta jel jyldamdyǵy 30 m/s jáne odan kóp bolýy yqtımal. Soltústikte burqasyn, kóktaıǵaq bolady.

Eldiń batysynda aýa temperatýrasy túnde -15° - +2°-tan -8°- +8°-qa deıin joǵarylaıdy. Eldiń soltústik-batysynda, soltústiginde, ortalyǵynda aýa temperatýrasynyń túnde - 3-15 °-qa deıin tómendeıtini boljanyp otyr. Respýblıkanyń ońtústiginde jáne ońtústik-shyǵysynda aýa temperatýrasy túnde -6°- +5°-qa deıin, al shyǵysta -10°-+3° aralyǵynda tómendeıdi.