224 adamǵa «Bolashaq» stıpendııasy berildi

ASTANA. QazAqparat - Shetelde oqyǵan mamandardyń sany emes, sapasy mańyzdy. Bul týraly búgin Aqordada Shetelde kadrlar daıarlaý jónindegi respýblıkalyq komıssııa otyrysynda QR Memlekettik hatshysy Gúlshara Ábdiqalyqova málim etti.

Ol óz sózinde Elbasynyń «Nurly jol - bolashaqqa bastar jol» atty Joldaýyn júzege asyrý jáne álemdiń damyǵan 30 eliniń qataryna kirý úshin bilikti kadrlardy daıyndaý barynsha ózekti bola túsetindigin basa aıtty.

«Qazaqstandy aýqymdy ınfraqurylymdyq damytý, jańa óndiristerdi qurý, bizdiń elimizde óńirler arasyndaǵy kóliktik kommýnıkatsııalardyń barlyq túrin damytý arqyly bıznes yntymaqtastyqty jandandyrý kásibı sapasy úzdik ári tıisti kásibı daǵdysy bar joǵary deńgeıli menedjerler qajettigin týdyrady», - dedi G.Ábdiqalyqova.

Memlekettik hatshynyń atap ótýinshe, Joldaýdyń árbir baǵytyn júzege asyrý daıyndyǵy joǵary, bilikti mamandardy qajet etetindigin atap ótti.

«Bilim alǵan mamandardyń sany emes sapasy mańyzdy. Álemniń úzdik joǵary oqý oryndarynda bilim alyp, aldyńǵy qatary úzdik tájirıbeni boıyna sińirgen kreatıvti oılaı biletin jastar, jańa formatsııa mamandary qajet»,- dedi ol.

Otyrys qorytyndysynda respýblıkalyq komıssııanyń sheshimimen 224 stıpendııa taǵaıyndaldy.